Car Mario,

Tu scribeva:


>Re le italiano tu scribe:
>Italiano: homepage; pagina de saluto; p. introduttivo; p. de casa
>Io non sape ubi tu trovava le tres ultime expressiones, que tu non scribe
>in correcte italiano. Illos deberea esser: pagina _di_ saluto, pagina
>_intruduttiva_, pagina _di_ casa, ma le italianos non se pone iste
problemas.

Mi fonte pro "pagina di saluto" e "pagina intruduttiva" es le EuroDicAutom,
un lexico multilingua in-linea create per le Union Europee. Le
errores "interlinguisante" que tu indica es le mies: io ha re-
dactylographate ex memoria quia le documento original se trova sur un
computator non-connectite.

>Nos non ha iste amor folle de salveguardar le lingua national, quando un
>termino es universalmente practicate. Assi nos usa simplemente home page, e
>non homepage, como nos usa, per exemplo: home video, home banking,
>hit-parade, high society, happy end o happy hour, e altere terminos ancora,
>que es jam classificate in le vocalulario del lingua italian, perque illos
>es terminos de uso quotidian e general que on pronuncia como in anglese.

Si, il es frappantemente evidente que italiano es le plus anglophile del
linguas fonte, al minus in le campo del informatica. Isto me ha
surprendite; io haberea pensate que germano o russo esseva le tales. Il es
in multo casos le combination de anglese, germano e italiano que porta
terminos informatic anglese a in le lexico de interlingua - ben que il ha
sovente alternativos neo-latino o romance.

>Sape vos? Hodie nos festea le die del homines e per tradition nos debera
>biber un poco de vino blanc. Iste usantia resale al periodo del
Renascentia.

Hmm, in le mie casa nos festea nostre octave anniversario nuptial.

Amicalmente,

Chris