Io seque etiam un altere lista con grande interesse. Il es le lista auxlang
al qual plure de nos se jungeva in le hiberno passate - vos memora? - pro
defender le colores de i-guano. Ibi un del discutantes tangeva un cosa que
faceva me pensar lo sequente:

Esque le governamentos e politicos vermente desira un lingua international
functionante? Que occurrerea si pro exemplo multe immigrantes in varie
paises apprendeva interlingua? Subito on - como se dice in le himno de un
altere lingua international ben cognoscite de alcun participantes in iste
lista! - starea "sur un base lingual neutre"!

Si isto occurrerea in varie paises non solo un lingua habera le monopolio
del movibilitate!

On habera le problema con le cortes de lege. Pote on haber un processo
juridic in interlingua. Como de contractos e accordos? Multo interessante
pensatas.

Le sol persona qui ha adressate le cosa forsan es Allan, qui olim scribeva
qualcosa del senso que "il esserea plus facile pro le finno-parlantes
manear interlingua que svedese". Toto de accordo. Iste stato in nostre
tempores ha anglese. Io ha audite multe scientificos finnes esser
intervistate in anglese. Si illos ha vivite in paises anglofone o parlate
anglese multo in su recerca isto es le cosa natural. Fantastico! Por parlar
con nostre vicinos nos usa un altere lingua prendite de locos transmarin,
transmontan e transfluviatil...

Il es 05.00 del matino e le humano pensa grande pensatas!

Fantascientiamente

[log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden