"Alyssa St. James" wrote:

> Salutes Kjell
> Io legeva con grande gaudio tu message super le Conferentia Nordic. Il es
> con grande interesse etiam que io essayava imaginar un conferentia ubi toto
> persona parla in Interlingua. Mi amica Mindy e io nunc face un essayo de
> parlar Interlingua como nos parla in anglese. Nos debe pensar trop e no
> trova le fluentia necessarie pro expressar nostre pensamentos. Nos ambe
> studiava espaniol e io time nostre accento esserea influentiate per nostre
> studio de ille lingua.

Si vos solo memora que c = ts e non como in espaniol, e que z es como in algese
_zebra_, que "qu + vocal" quasi sempre es "kw" toto es in ordine. Un accento
espaniol pote functionar ben.

Proba pensar in interlingua. Quando vos vide un auto, pensa: "Ecce un auto."
"Ecce un casa. Iste casa es multo bon." etc. Personalmente pro me le scriber in
interlingua anque supporta le parlar in le lingua.

Ego spera que vos ha passate un interessante nocte insimul.

> Kjell, tu parlava de un organization in le paises Nordic e io pensa que illo
> esserea fantastic haber un conferentia in  America. Vos es invitate, claro.
> :)

Le Societate pro le Paises Nordic es un vetere organisation. Illo ha
organisationes national in omne le paises nordic (Danmark, Finlandia, Islandia,
Norvegia, Svedia, Groenlandia (que ha governo domestic) et le Foeroes (le
insulas in le Atlantico nord). In le union es anque le insulas Åland (Alandia)
que es un multo autonome parte de Finlandia). Forsan le Societate pro le Paises
Nordic era plus forte in le prime partes del seculo 19-e. In nostre dies multo
poc personas sape que illo existe, benque multe politicos e personas notabile
es membros del organisation.

Amicalmente

Cellus