On 3/16/07, Giovanni Nappi <[log in to unmask]> wrote:
> Car totes,
>
> hodie matino, io pensava a un altere requisito/requirimento que pote
> esser utile al dictionario etymologic de interlingua: io crede que
> nos besonia equalmente de un mechanismo pro evidentiar TOTE le serie
> derivational cuje le termino selectionate appertine.
>
> Isto simplificara tamben le trovada de "filios illegittime" o
> "entratas zombie"[1] e facera enormemente plus facile le
> "debugging"[2] de nostre vocabulario :P, rendente per contra plus
> simplice le memorisation passive del totalitate del serie
> derivational con le affixos.
>
> Que vos pensa?
>

Si. Io concorda con te. Io ja pensava in isto anteriormente. Le idea
es facer ligamines inter le parolas como in un thesauro. Vide:
http://en.wikipedia.org/wiki/Thesaurus
http://www.visualthesaurus.com/

> Pro Antonielly: io crede que isto serea facilemente e simplemente
> realizabile con un punctator al radice basic de un serie
> derivational, assi que isto renderea possibile le "navigation" del
> vocabulario per radices tamben.
>

Certemente. Tu rememora aquele notation special que io creava pro
demonstrar le morfemas, in un message a interlingua-coollist? Io crede
que ilo (o un evolution de ilo) facera possibile que le computator
automaticamente (sin interferentia manual) discoperi tote le terminos
de un serie derivational. Le secreto es separar manualmente, in le
entrata/input del programa, le nucleo (de signification del morfema)
del litera que complementa le morfema pro formar un parola integre.
Exemplo:
catedra = ()-catedr-(a)
Tunc:
catedral [()-catedr-(a) + -al] e catedratic [()-catedr-(a) + -atic]
esserea automaticamente recognoscibile como parte del mesme serie
derivational a causa del identification computational del presentia
del nucleo de morfema [()-catedr-(a)].

> In ultra, ben que io non lo crede linguisticamente multo possibile,
> in vostre opinion pote esser utile mantener le concepto de
> duplice/multiple filiation de un termino? In altere parolas, il es
> conveniente disponer le cosas assi que un termino pote esser filio
> de duo familias derivational?

Io non cognosce terminos que pertine a duo familias derivational. Mi
filosofia pragmatic es que nos non debe preocupar con requisitos que
non es ancora probate necesse.

> Io pensava a familias derivational rumpite/rupte mais relationate
> e/o a casos in le qual il ha plure theorias non demonstrabile...
>

In le caso de familias que contine "double stems" nos pote associar
manualmente un "familia" con le altere. Per exemplo, in le caso de
rumpite/rupte, nos poterea indicar manualmente le relation inter
[()-rump-] e [()-rupt-], proque le computator non pote discoperir
automaticamente lor relationes.

Antonielly Garcia Rodrigues

--
Archivos e disabonar: http://listserv.icors.org/archives/INTERLNG.html