----- Ursprungligt meddelande ----- 
Från: STAN MULAIK <[log in to unmask]>
Till: <[log in to unmask]>
Skickat: den 16 december 2000 18:34
Ämne: Re: Santa Lucia


> Gratias, Mario, pro le informationes super Ste. Lucia.  Qui sape le ration
> proque le Svedese celebra iste virgine?
> 
> Stan


Salute omnes!

Il ha plure explicationes. Desde longe tempores iste dies del anno ha essite celebrate in Svedia.

-On credeva que le 13 de decembre esseva le plus curte die del anno. Isto esseva ver a priori sed a causa de displaciamentos in le almanac il habeva devenite false. Desde annos pagan on habeva volite celebrar le retorno del luce.
-Durante le medievo on celebrava le comencio del "jejuno de Natal" iste die, e mangiava multo ante le alba. Le nocte avante on abatteva le porco de Natal que furniva le mangiar durante le festa de Natal. Le gambon de Natal es un platto svedese multo importante.

Dunque il habeva un tradition vetule de festa durante alcun de iste dies ante Natal.

-Lussegubbar  (lusse-vetulos) esseva mendicantes disguisate qui  ageva iste dies.
-Lussebrud (lusse-sposa) es un tradition desde 1764 in certe grande dominios svedese. Illas esseva feminas juvene in robas blanc e con un corona verde de ramettos de vaccinia. In le corona plure candelas. Personas ben educate habeva audite de Sancta Lucia e associava le parola vetule "lusse" con le parolas luce e lucia. Multo apte. Sed le ecclesia svedese que es lutheran disapprobava isto e le tradition svedese non del toto es religiose. 
-Cirka 1900 un jornalista svedese Sigrid Elmblad scribeva un texto solemne que esseva multo popular. "Le nocte va con passos grave....."  Le melodia esseva "Barcarola napolitana" (Sul mare lucica) de Teodoro Cottraus.
-Anno 1927 le jornal svedese Svenska Dagbladet in Stockholm arrangiava le prime luciaprocession public. Previemente le die de Lucia solmente esseva un celebration private. Le procession tosto deveniva multo popular e hodie omne urbes e multe associationes, fabricas e officinas ha lor luciaprocessiones. Ibi le die es multo popular a causa de un interruption del travalio e un atmosphera festive durante forsan un hora. Nuances commercial devi plus frequente e io opina que nuances religiose non del toto existe. Sed quasi omne personas cognosce le legenda de Santa Lucia que existe in plure variationes.
Le jornales elige le Lucia del urbe per electiones public e ha devenite concurrentias de beltate. Anteriormente le mores del juvena esseva plus importante, lo que, in iste dies, es multo difficile judicar.

Le celebration de Lucia in Svedia non del toto es religiose sed solmente un festa del luce e un portento del Natal e "le comencio del fin" del saison tenebrose. Sape que in le nord de Svedia on nunc attende le prime 
levar del sol in januario post plure septimanas e anque hic in le sud de Svedia le dies es curte, solmente 6,5 horas.

Con sperantia re un primavera promte,

Erik Enfors 
Vallåkergat.25 
SE-432 37 VARBERG 
Sweden
Tel: +46 (0)340-875 45 
e-post: [log in to unmask]





-