Il 04/05/05, Stanley Mulaik<[log in to unmask]> ha scritto:
> Allan Kiviaho wrote:
> >Un heretico in grande grado in nostre movimento es Stan
> >Mulaik con su aquellos etc.
> 
> Io vide le cosa alteremente.  Si un adherente de Jesus
> de 33 c.e. habeva in alcun maniera meraviliose venite
> a Roma in 400 c.e. e ha incontrate le Ecclesia Roman
> Catholic ille haberea essite tracte per aquelle
> ecclesia como un heretico. De facto si Jesus ha venite
> a Roma in 400 c.e. ille probabilemente haberea essite
> tractate como un heretico.
> 
[...]
> Stan Mulaik


Car Stan,
Io apprecia multo le situation in que tu 
pare sentir te... Il me pare que tu ha 
ration in quanto al persecution de Allan,
ma io crede que ille gusta de inflammar
alteres pro le gusto de altiar lor tension
un poc... (Nonne ver Allan?) Ma isto es
un cosa non multo grave in mi opinion
ille non te accusa de alco criminal, e
sia calme, io te assecura que tu es in
bon compania in quanto al opiniones
que tu ha exponite in quanto al belle
lingua international...

In mi opinion, e io dice isto solmente
pro expressar mi proprie puncto de 
vista e necun cosa altere, Interlingua
es un lingua vivente. Illo es ben guidate
per le linguas vivente national, e io es
multo convincite que Interlingua non
debe esser fossilisate o petrificate per
le dictionarios jam de medie seculo
de etate, nos necessita un continue
registration de illo que es vermente
international e que pote devenir un
auxilio pro personas qui vole communicar
se con alteres qui non ha un lingua
national in commun. Pro isto on debe
considerar que Interlingua jam ha personas
dedicate al recercas de nove parolas, como
Piet, a qui nos debe tanto pro su admirabile
registration de parolas con le supporto de
al minus tres del linguas de controllo. 

Ma esque nos debe pensar que solmente
Piet ha le derecto a iste recercas? Claro
que non. Nos debe sperar que multe altere
personas qui ama le lingua belle e international
se interessa in iste typo de recercas, pro le
beneficio de nostre belle Interlingua. Assi
que si Stan vole recercar qualque termino
que le interessa a ille e vole presentar le
information que ille ha trovate e anque con
isto publicar su recercas, sia in Confluentes
o in le Web al gruppo Interlingua-Coollist
toto ben. Que ille ha le derecto e le libertate
pro continuar su recercas, illo es toto pro le
avantiamento del lingua belle e international.

Assi ben, Stan, si tu vole presentar le
recercas que te ha ducite al adoption de
terminos como 'aquelle' e 'aqui' tunc tu
ha tote le derecto a facer lo. Si le resto
del usatores de Interlingua vole adoptar
iste termino in lor vocabulario tunc illo
devenira un formulation commun e illo
non parera un raritate pro necuno. Si 
necun usator de Interlingua lo vole usar
in addition a te, tunc illo continuara como
un forma alternative o collateral que tu usa.
Mira como multe de nostre amicos qui
usa interlingua usa jam terminos como "ci"
"son", "alcun", etc. in vice de "hic", "illes es"
e "alicun" que forsan esserea plus preferite
per Alexander G.  Pro me Alexander Gode
non esseva, e non es un deo, ille esseva
un excellente recercator e un optime 
interlinguista, ma le lingua vive e continua
in crescer mesmo in nostre dies.

Con salutes amical,
Jay B.