Car ascoltatores de Radio Interlingua, car lectores!

Finalmente se creava le emission de januario 2010 (duo milles dece).

Del contento:

In le rubrica "actualitates de interlingua" Sven Frank, secretario general de UMI parla super activitates possibile pro interlingua in le nove anno, que ille suggere. Le registration era coordinate per Thomas Breinstrup.

Postea io fini presentar le interview con Erik Enfors, vice-secretario del Societate Svedese pro Interlingua - isto es le secunde (e final) parte del interview que io faceva con ille durante le Incontro Nordic de Interlingua in Linköping, Svedia, in le estate de 2008 (duo milles octo). In iste secunde (e final) parte il se tracta solo de themas de interlingua.

Regrettabilemente iste emission de novo non include musica, proque io debeva hastar me pro publicar lo ancora in januario - e deman, le ultime die de januario io non essera in casa.

Per iste emission le redaction de Radio Interlingua vos desira un prospere e felice nove anno - que vos va passar sperabilemente con Radio Interlingua...! :-)

Le ligamine directe pro ascoltar le podcast es:

http://www.interlingua.com/node/684

Tote le emissiones usque ora se trova sub le ligamine

http://www.interlingua.com/radio

Con su optime salutes:

Péter Kovács

--
Archivos e disabonar: http://listserv.icors.org/archives/INTERLNG.html