Car amicos,

        Como que nos non usa nostre duple negation in interlingua??? Io
crede que isto es un caracteristica del linguas latine!! Le duple negation
existe in espaniol, portugese, francese, italiano, e mesme in grec
(griego/greek)!!! Proque si interlingua se basa in le linguas romance illo
non ha un duple negation?!? Pro me isto es un surprisa, e io es secur que il
me prendera alcun tempore facer me a le idea de apprender un lingua romance
e non usar le duple negation... Io vole lassar un cosa clar, io non es
contra isto, io sol vole saper proque interlingua non ha duple negation.
Alcun persona vole risponder mi demanda?? 
 Gratias!!

                A r t u r o


> ----------
> From:         Ensjo (Emerson José Silveira da Costa)
> Reply To:     INTERLNG:  Discussiones in Interlingua
> Sent:         Friday, April 23, 1999 4:39 PM
> To:   [log in to unmask]
> Subject:      Re: Nomines de paises e monetas
> 
> Arturo scribeva:
> > Ensjo (Emerson José Silveira da Costa) scribeva:
> > > Io ha trovate un fonte interessante pro trovar nomines de paises e
> 
> > > monetas in Interlingua: un sito del Servicio de Traduction del
> Union
> > > Europee.
> > >
> > > http://europa.eu.int/comm/sdt/currencies/estable1.htm
> >
> > Car Ensjo:
> >         Io {non*} ha trovate {nihil*} IN interlingua in iste sito.
> 
> {*} Arturo, in Interlingua nos non usa nostre duple negation. Dice "Io
> ha trovate nihil", o "Io non ha trovate quecunque".
> 
> > Forsan vole tu
> > dicer que on pote trovar nomines de paises e monetas pro usar in
> > interlingua?
> 
> Si, Arturo, illo esseva justo mi idea. Io deberea haber scripte plus
> precisemente.... "un fonte interessante pro RECERCAR nomines de paises
> e monetas in Interlingua...", viste que in un mesme loco nos ha le
> nomines (popular e official) de plure paises e monetas in le
> linguas-fonte de Interlingua (excepte le russo).
> 
> > Io crede que iste sito nos pote adjutar supertoto con le
> > nomines de monetas, que io crede Interlingua debe standardisar... io
> 
> > comprehende ben Franken, francs, francos e franchi, ma io pensa que
> > interlingua debe adoptar solmente un maniera. Que pensa tu?
> 
> Si, isto es justo le idea de Interlingua.
> 
> E a proposito de Franken, etc., le IED registra:
> 
>     franco² n [Fin.] franc
> 
> E su plural es "francos".
> 
> >         Le sito que tu ha trovate es multo interessante... io ha un
> demanda
> > pro te: in portugese le parola "dracma" (le moneta de Grecia) es
> > fem{e=>i}nino o
> > masculino? In espaniol illo es masculino, ma le documento in iste
> sito
> > dice
> > que dracma es fem{e=>i}nino!!
> 
> ("femin-a" > "femin-in-o")
> 
> In portugese "dracma" tamben es masculino. (Justo como "problema" e
> "telegrama", Kjell!)
> 
> Rememora que ille sito es de Espania. Possibilemente il ha alcun
> differentias inter le espaniol europee e le espaniol american, como il
> es le caso inter le portugese de Portugal e le portugese de Brasil. Io
> vide in le tabela portugese exemplos de nomines de paises que non es
> exactemente le mesme hic:
> 
> Brasil     Portugal
> ---------- --------
> Irã        Irão
> Iugoslávia Jugoslávia
> Caimã      Caimão
> Egito      Egipto
> Bangladesh Bangladeche
> Amsterdã   Amsterdão
> etc...
> 
> A revider!
> --
>    ENSJO : EMERSON JOSÉ SILVEIRA DA COSTA
> Homepage : http://www.nautilus.com.br/~ensjo/
>  UIN ICQ : 713833
> 
> INTERLINGUA - lingua auxiliar international
>     Info : http://www.interlingua.com/europa/queesinterlingua.html
>   Brasil : http://www.nautilus.com.br/~ensjo/ubi/
>