Car totes,

io faceva (un poco pro exercitar me, un poco pro render vos curiose) un
traduction aglese -> interlingua del presentation al pagina
http://home.inreach.com/sl2120/Ithkuil/

A me, ithkuil suscita stupor e meravilia: intellecto human pote multe
cosas! Qual es vostre pensatas? :)


curiosemente vostre
Giovanni

PS Proque illo es essentialmente un exercitio, que vos corrige mi
errores e me da tote le suggestiones que vos vole!
----------
Benvenite!

Aqueste sito web presenta un grammatica comprensive de *ithkuil*, un
lingua human artificialmente construite. Al lectores familiar con le
historia e arte del construction del linguas fictional, ithkuil es un
cruciamento inter un /lingua philosophic a priori/ e un /lingua logic/.
Illo non es del toto intendite de functionar como un lingua human
"natural". Ithkuil existe como un exercitio de como linguas human /pote/
functionar, non como linguas human /effectivemente/ functiona.

Mintere io gaude le idea de inventar linguas fictional qui mima linguas
naural, illo non me suffice de adder simplemente un altere lingua al
milles qui ja existe o ha existite. In mi opinion, le scopo plus grande
es tentar le creation de lo que le esseres human, lassate a lor proprie
medios, non jammais crearea naturalmente, mais plus tosto del effortio
intellectual consciente: un lingua idealisate cuje fin es le plus alte
possibile grado de logica, efficientia, detalio, e accuratessa in
expressiones cognitive via un lingua human parlate, durante que
minimisar le ambiguitate, vagessa, illogicitate, redundantia, polysemia
e le general arbitrarietate que tote linguas human natural sembla
continer. Ithkuil representa le culmination de plus que vinticinque
annos de effortio personal verso le creation de un simile linguage.

John Quijada

--
Archivos e disabonar: http://listserv.icors.org/archives/INTERLNG.html