Car amicos!
Ingvar Stenström me ha exhortate inviar iste message multo importante. Le computator de ille es rumpite e illo non es expectate functionar ante le fin de iste septimana.
Le proxime anno UMI habera 50 annos. Il esserea multo regrettabile si nos non, iste anno jubilari, poterea celebrar con un habitual conferentia mundial.
Nulle loco pro iste conferentia es decidite ma alcun propositiones ha essite discutite, i.a. Estonia, Espania, Hungaria, Brasilia e Svedia e forsan alteres. In Estonia, que es un pais con precios basse il probabilemente non existe alcun interlinguistas ma Allan Kiviaho, Finland, qui con grande successo organisava le labor del traduction del Constitution Europee, sovente viage a iste pais. Nos ha habite certe sperantias que ille forsan sape ubi il esserea possibile arrangiar un conferentia ibi, ma ille non ancora ha date un proposition.
Le Societate Svedese pro Interlingua (SSI) pro securitate ha facite un reservation preliminari in Löftadalens Folkhögskola (Centro de inseniamente pro adultes) 50 km al sud de Göteborg, al costa west de Svedia, ubi plure incontros nordic ha essite arrrangiate ma nunc le direction de Löftadalen ha informate Ingvar Stenström que il es necessari dar un decision final ante le 18 de novembre.
Quicunque organisator naturalmente vole saper si il existe un interesse ver pro participation in un conferentia 2005, e si il vale le pena continuar le preparationes.
Ingvar Stenström nunc exhorta omnes dar punctas de vista in iste foro e nos expecta que iste question nunc essera un subjecto permanente del foro, con multe participantes, alcun dies. Omnes debe scriber, e comenciantes e veteranos, pois que nos desira saper le stato de anima inter le interlinguistas del mundo.
Qui essera le prime?
1. Esque tu desira participar in un conferentia 2005?
2. Qual paises es conveniente/discoveniente?
Participation in un conferentia da possibilitates exceptional apprender parlar interlingua. Omnes es benvenite participar, non solmente veteranos.
Erik Enfors
Vallåkergat.25
SE-432 37 VARBERG
Svedia
Tel: +46 (0)340-875 45
e-post: [log in to unmask]
|
