Allan scribeva inter alteres:
>Le svedes propaga pro svedese como le
>lingua commun del blocco de statos de Scandinavia, includente Finlandia.

In le Concilio Nordic on usava - si io me non equivoca - le anglese. In
Efta on etiam solo usava le anglese.

Ante le accesso de Svedia al Union Europee e quando on etiam credeva que
omne (tote) le paises nordic va adherer al Union on recercava le
possibilitate que on solmente habera un gruppo de interpretes pro omne
linguas scandinave (salvo finnese, se comprende). Io non sape qui faceva
iste inquesta e io non sape del methodo, ma le resultato era describite in
le medios assi que le politicos del altere paises nordic "comprende le
svedese melio que le svedeses comprende le altere linguas nordic). Mesmo un
articulo manteneva que svedese es le "esperanto polar"!

Viste  que le autoritates scholar con o sin intention ha sabotageate le
instruction de recognoscentia del linguas vicin que existe in le programma
scholar il non del toto es estranie que svedeses generalmente sembla haber
un minus bon comprehension de danese e norvegese.

Disgression: In grande partes de Norvegia e Danmark on pote reguardar
television svedese, ma in le plus grande parte de Svedia isto es
impossibile si on non paga un amonta mensual al svedese Telia (nostre
telecom que se comporta quasi un disnationalitate entreprisa statal
exsovietic = postula le maximo de monete per le maximo de impolitessa!

(Como io ha mantenite in un altere lista al mesme tempore il es possibile
ascoltar Radio One (un station american) toto gratuitemente.)

Io non sape como isto es nunc in le altere paises nordic, ma ante multe
annos on habeva multo ambitiose libros de lectura de svedese in scholas
danese. Io ha vidite lor libro pro le gymnasio e isto era impressionante!

Nunc felicemente le valuta svedese es pejor que le altere valutas nordic e
isto sembla haber le bon resultato que le medios svedese scribe plus del
altere paises e que on pote comprar pressa danese, norvegese e finnese in
Svedia.

Naturalmente le finneses es un caso special viste que il vive alcun 300.000
personas (forsan mesmo plus) de finnos in Svedia. In le citates e
municipios industrial ubi il habita multo finnos il ha magasines septimanal
in tote le magasines de victualios. Fin del disgression).

Le Scandinavian Airline System usava le norvegese sur le bilietes
international proque isto es le lingua que le svedeses e daneses comprende
le optimo. Si isto ancora es actual io non sape...

Io comprende Allan assi que le problema del communication non tanto es le
grande organisationes e le politicos ma le individuales. Io es de accordo.
Interlingua es de facto bon pro le homine sur le strata. Ma isto nos a
Interling jam sape!





Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden