Kjell ha scripte:
>Qual es le differentia de istos?
>nomine de familia               sobrenome
>     apellido
>supernomine                     apelido         apodo

Iste terminos se confunde un pauco... In portugese:

NOME. [< la "nomen"]
1. Parola(s) con le qual(es) se designa persona, animal, o cosa.
2. V. "prenome".
...
10. Designation patronymic de persona; "nome de família"; "sobrenome", 
"apelido".

@ NOME DE BATISMO.
1. V. "prenome".

@ NOME DE FAMÍLIA.
1. V. "nome"(10).
...

@ NOME PRÓPRIO.
...
2. V. "prenome".
...

PRENOME. [< la "praenomen"]
1. "Nome"(1) que antecede aquelle "de familia"; "nome de batismo"; 
"nome"(2), "antenome", "nome próprio".

SOBRENOME. [< "sobr(e)" + "nome"]
1. "Nome"(1) que veni post le prime "de batismo", o "prenome".
2. "Nome"(1) que es usate postposite al "nome de família"; "nome"(10), 
"apelido": "Le sposa adopta, generalmente, le 'sobrenome' del marito."

APELIDO. [deverbal de "apelidar" < la "appellitare"]
1. "Sobrenome"(2).
2. V. "alcunha". [= en "nickname"]
...

Le termino le plus imprecise me pare esser "sobrenome": illo pote venir 
(1) post le prenomine o (2) post le nomine de familia.

Secundo io vide, le nomines in Brasil sole sequer le patrono:

1) prenomine
2) supernomine (optional; multe vices usate pro facer un homage a alcuno)
3) nomine de familia del matre
4) nomine de familia del patre

Exemplos:
Io: 1 Emerson / 2 José* / 3 Silveira / 4 da Costa
(Mi avo se appellava José.)


Mi sposa: 1 Rosana / 2 de Nazaré* / 3 Menezes / 4 Matos
(Rosana ha nascite durante le festas de Nostre Seniora de Nazareth.)

Mi soror: 1 Simone // 3 Silveira / 4 da Costa

Fratre de Rosana: 1 Fernando // 3 Menezes / 4 Matos

Quando le feminas se marita, illas sole adder le (5) nomine de familia del 
marito. Isto pote provocar le suppression de alcun partes de su nomine 
anterior. (Hodie alcunes opta pro non facer lo, perque isto implica 
reemissiones de documentos, e illas non vide forte motivos pro submitter 
lor identitate al identitate del marito.) :^)

Mi matre: 1 Josefina / 3 Alves / 4 da Silveira
=> 1 Josefina / 4 Silveira / 5 da Costa.

A revider,
Ensjo.
(Pro vostre felicitate io ha iste pseudonymo bastante curte!) ;^)