Il es interessante que le ambassador de Svedia
habeva scribite in un quotidian argentinian in re
le crisis economic. Ego non legeva le articulo,
sed forsan ego debe probar un commento de ille
crise como ego lo memora.

In facto il era in le autumno de 1990 e le corona
era accuplate al altere valutas europee e le
governamento non-socialista cadeva in un terribile
situation. Del latere socialdemocratic on accusava
"speculatores", in special le financiario Gorge
Soros de facer speculationes verso le corona
Svedese. Viste que le governamento non voleva
lassar le corona fluer ma tener lo al curso del
altere valutas europee on debeva altiar le rata
bancari (le procento del bancas) verso 500
procentos.

Finalmente on videva que isto non era possibile e
on debeva lassar le corona fluer con un
significante devaluation como resultato. Ego non
me recorda le procentage, ma illo era
significante.

Per isto comenciava etiam le crise bancari (le
bancas habeva prestate troppo de capital, e a fin
que toto non va collaber, le stato nunc salvava le
bancos a enorme detrimento de parve interprisas
(negotios) que vadeva bancarupte.

Un explication del cadita del corona non era tanto
le speculationes del famose capitalista com in
plus le facto que grande interprisas svedese
vendeva su coronas pro plus secur valutas (lege
dollares), sed era naturalmente multo comfortabile
jectar le culpa a Soros!

Il ha tales que dice que si le governamento non
habeva si longe tenite le corona a ille fixe curso
il haberea potite esser un catastrophe pro le
interprisas grande de Svedia.

Lo que es le veritate es difficile pro me de
dicer. In le debattos politic le Socialdemocrates
faceva le non-socialistas (liberales, un partito
agrari e le partito conservative) culpabile, ben
sapente que ille partitos in le governamento non
poteva facer altero que illos faceva.

Ego ha multo mal cognoscentia de economia e in
supra il ha mi proba comprender lo que occurreva.

Al presente le corona es multo debile verso le
USD. Un dollar del Statos Unite costa al momento
c:a 10 coronas svedese, un exorbitante curso in
facto!

- - - - - -

Plus agradabile es que vos pote vider mi urbe
domestic, Uppsala del aere. Va a:
http://kometen.uppsala.se/kartor/internet/flygindex.htm

Vos ha un carta principal que vos pote grandificar
e vider mesmo mi casa appartamental juxta
Nordengatan. Que le adresse es Vänortsgatan es
forsan un artificio strategic, pro non monstrar al
eventual inimico ubi ego habita! ;-)

Multo amusamento. Pensa que vos es a un tapis
volante e pote reguardar a Uppsala. Vos vide le
lente flumine Fyris, le Cathedral, le Castello
etc.

Multe amusamento

Cellus