Rodrigo ha scripte (in INTERLNG):
> interlingua-es.com ha ora 4 membros (nos es 3 vermente proque
>io es "rodrigo" e "webmaster"). Multe gratias, Jay e Cristian,
>pro devenir membros, ben que il ha solmente un servicio de
>posta pro ora, como vos vide.
>Le servicios es in espaniol proque il non es io qui los creava.
>Io usava le servicios gratis de http://www.tuportal.com
>Io vole facer un traduction in interlingua pro le personas qui
>non sape espaniol e pote esser interessate in practicar
>interlingua como membros de interlingua-es.com. Si vos ha alcun
>problema comprehendente le espaniol, io deberea dicer tu proque
>isto es pro Cristian ;-), invia me un message.
>
> IMPORTANTE: CONTRASIGNOS
>
> Io non habeva usate multo le servicios de tuportal.com e io
>non me rememorava de dicer vos isto ante, ma io crede que vos
>debe saper lo. Le administrator de un portal que usa le
>servicios de tuportal.com, io per exemplo, pote vider le
>contrasignos del membros de ille portal. Io ha NECUN
>interesse in usar vostre contrasignos, que forsan vos, como
>io, usa pro altere servicios in le internet, ma io crede que
>vos debeva saper lo. Pardona me pro non dicer lo ante, per
>favor.
>
> Rodrigo

George Petrineanu ha commentate con me le alternativa de usar un tal 
programma de portal pro que plure personas pote contribuer pro nostre sito 
Interlingua.com.

Assi, le addition de novas, de articulos, etc. poterea esser plus 
facilemente facite -- bastarea que un del personas autorizate plena un 
formulario, e voilà.

Que pensa vos?
Ensjo.