STAN MULAIK wrote:

> (...)
>
> Il esseva un discurso potente, le melio que
> ille ha facite.(...) Ille ha vadite al fin de un
> ramo de un
> arbore.  Pote ille succeder de la?  Io spera
> que su avisores va facer clar que nos non
> lucta con Islam, mais con alcun gruppo que ha
> blasphemate Islam con su idiotic interpretation
> del Quran.

Le parola producer sembla exister solo in anglese
in le senso de extraher del loco ubi ille se cela!

Nostre radio national dava un curte, rapsodic
presentation del oration. On dava le passage ubi le
presidente diceva que "Le terroristas ha
blasphemate islam e ha sequestrate le nomine de
Allah!"

On notava etiam que le nomine del campania
"Justicia infinite" non era multo ben seligite,
viste que lideres de muslems habeva indicate que
infinitemente juste pote solo Deo esser.

In plus on habeva interessante reportos de Pakistan
e on sublineava le facto que multe del gruppos
ethnic que habita in Pakistan etiam habita
Afghanistan. Secundo le correspondente le P in
Pakistan sta pro "Pashtunos" (pushto) e A pro
Afghanos, K I ego oblidava e -stan starea pro
Beluchistan. (Si mi memoria me servi le beluches
habita le frontiera montaniose inter Pakistan e
Iran, i.e. a ambe lateres del frontiera).

In toto multo interessante.

Cellus