[log in to unmask] [log in to unmask]
 http://adam.cheshire.net/~jjbowks/home.html
 ~~~~~~~~~~~~~~~~~~~~~~~~~~~~~~~~~~~~~~~~~~~
 Car Anne,
Io non crede que tu "vole esser ironic", non
mais io crede que tu vole esser multo moderne.
:-)
Mais que dice io "moderne"? Simplemente, que
tu ideas son bassate in le recercas plus
moderne viste que tu studia le ultime parola
in respecto al linguistica e alcun de nos que
ha essite maestros o professionales in altere
campos de studio son ja un pauc "passe'", e
forsan un pauc al retro del tempores...:-)))

Io comprende tu resentimento contra le ideas
de Whorf, io senti que tu non vole acceptar
su ideas pro que nunc illes son exposte como
vetule e alco falsemente bassate. Mais pro su
tempore illo esseva moderne alsi. E le senior
Whorf esseva multo respectate e laudate per le
studiantes e linguistas de su epocha.  Tunc in
su die illo esseva alsi "multo moderne", mais
nunc illo non es moderne, nonne? :-(

Qui sape, in le epocha a venir... que essera
le cosa moderne, que essera que on vide como
ver e como false. Plus que nos apprende, es
plus que nos ha rationes pro questionar. Alcun
de le personas ja in su annos de capillos gris
necessita nostre admiration pro su grande
devotion al campos de recerca, sin illos nos
non haberea le basse pro star erecte.

Io odia le racismo e le prejudicio contra le
personas proque illos es un pauc differente
de altere personas. Io crede que illo es ver
que on dice: "Illo solmente ha un racia, le
racia human". Quando io cresceva in le regime
de Francisco Franco, le prejudicio sempre se
demonstrava in le forma de attacos contra
ideas, credentias e symbolos, mais nunquam o
rarmente contra personas proque su pele esseva
de un color differente al majoritate del
nation. Mais quando io veniva a visitar al
statos, e viagiava in con un gruppo de personas
de color io videva le disgustante umbra del
prejudicio, como sin causa se manifestava
contra le personas de color, sin que illos
faceva cosa alcun.  Mais iste es le nation del
libertate, nonne? Mais isto es le ration que
face le Statos un nation potente, le mixtura
de personas de omne nationes, omne in un
"affaire" de vivir. Hic omne pote haber su
credentias, su ideas, su prejudicios, e nos
omne ha le responsibilitate de inseniar un al
alteres que le injustitias non son bon pro le
futuro del nation. Io vive in New Hampshire,
ubi le motto del Stato es "Live Free or Die!",
"Vive Libere o Mori!".

Mais illo es bastante re le politica, non?

Re le linguistica io te vole invitar a dar
un pauc de lumine moderne a nos in le lista
e forsan nos poterea facer un presentation
in le nove sito del Tela re le "nove theorias"
del linguistica e del mundo del recercas.
Que tu pensa?

Multo Amicalmente,
Jay B.


----------
> de nostre bon amica: Anne Burgi <[log in to unmask]>
> [...]
> Per favor, signores, nos es in 1995. Le linguistica ha evoluate
> multo.MULTO !
>
> Io non vole esser ironic, io non vole esser irespectuose, io solmente
> volerea que Interlingua se eveliate afin que Interlingua pote esser
> respectate. [...]
>
> Io vole haber un critica CONSTRUCTIVE.
> Io ama interlingua multo.
>
> Con mi AMICITATE SINCERE,
>
> Anne