Quoting Automatic digest processor <[log in to unmask]>:


> Que es iste (un viro)
> Que es ista (un femina)
> Que es isto (un cosa)?
>
> Iste es un viro.
> Ista es un studentessa
> Isto es un robot.

Isto es correcte. Secundo le grammatica GGB le demonstrativos
usate como pronomines ha terminationes parallel con le
pronomines personal:
-e: mascule
-a: feminin
-o: neutre   (un cosa o abstraction sin sexo).
       adjectivo        pronomine
Que es aquelle homine?  Aquelle es Kjell  (Nota que le adjectivo non
                                           ha un suffixo in accordo con
                                           sexo o genere).
Que es aquelle femina?  Aquella es Maria
Que es aquelle robot?   Aquello es CD-3PIO.

Que es iste homine?   Iste es Johannes.
Que es iste femina?   Ista es Maria.
Que es iste robot?    Isto es C3PO.
Que es iste idea?     Isto es le idea de transmigration de animas.

In iste caso le "mascule" es ver sexo e non genere.

Del altere latere, "un" transformate a un pronomine prende le
terminationes de substantivos mascule (-o) e feminin (-a):

"mi fratre e un de mi amicos".
"io parla duo linguas: un a casa, un altere al officina; le un es
francese, le altere anglese."

"Mi fratre e mi soror ha multe amicos.  Uno de mi fratre ama una de
mi soror."

E como pronomines le articulos "le" e "un" pote prender le plural
formas "les" e "unes".

"le opiniones de mi patre e les de mi matre".
"Nostre amicos veni: les de mi fratre, un de mi soror, e unes del amicos
de nostre parentes."

"Mi soror ha multe amicas.  Illas es le unas qui ha entrate le
concurso de beltate."

"Iste questiones in le examination esseva le unes que io non poteva
resolver."

"Iste tauros es le unos que ha devenite famose in Espania."

Hodie le temperatura es fresc e non frigide.  Duo noctes previemente
nos in Atlanta habeva temperaturas de circa -11 C..  Fortunatemente
il non face nive.

Stan in Atlanta.