STAN MULAIK ad [log in to unmask] ha scripte in 2001/09/11 2:23 AM:
> Il non importa.  Tu non argue rationalmente.  Tu solmente
> exprime tu gusto personal.  Si tu crede que io es un idiota pro
> non posseder tu gusto, io debe pensar que tu equalmente es un
> idiota pro exprimer lo.  :-)
>
> Stan

Secun mi comprendimento del idea detra
le uso personal del lingua belle e
international, cata persona qui vole
usar lo pote facer lo sin timer que
ille facerea alco mal expressante
su proprie gustos personal. Le vetule
Academia pro Interlingua habeva un
mesme puncto guida, on es libere a
facer como vole con le proprie scriptos
e expressiones sue. Tal como con un
lingua natural, si io vole dicer in
anglese "y'all" mesmo non totos qui
anque parla anglese poterea comprender
o acceptar ille construction grammatical.
Ma le puncto es que on se communica e
que alteros le comprende.

In Interlingua de IALA on pote sin
ration pro timer repercussiones, usar
formationes proprie, proque le uso de
Interlingua es libere,  on non es
fortiate a usar un forma o altere,
ma le fortia que exerce preferentias
de un parola o altere deberea esser
le gol de poter communicar se un con
le alteros. Si io vole dicer "yo"
in vice de "io" o "ego" illo es toto
ben, assi que alteros comprende. Si
io vole dicer "I" in vice de "io"
proque io inventa un nove forma
devenite de anglese, forsan alteros
non comprenderea, e assi le gol, le
communication, non es attenite.

Io crede que formas como "aquelle"
e "aqui" es possibile in Interlingua,
ma esque illos adde al communication?
O es illos como "I"? In mi opinion
illos adde al communication, assi
mesmo como "ego" e como "sed" etc.
On usa lo que on pensa e exerce
tolerantia pro alteros, e toto essera
ben. Lassa mille flores crescer. E
illo essera un belle jardin.

Con reguardos amical,
Jay B.