Salute Terry,

Tu questiones es interessantissime. Regrettabilemente io pote solmente
responder al secunde (e solmente partialmente). Anque io volerea haber un
responsa al altere questiones...


> 1. Esque il ha _amicas_ sur iste lista? Le grande parte de nomines io
vide
> hic appare masculin.

Nos ha amica Anne Bürgi, naturalmente, ma ubi es le altere feminas? Esque
illas non se interessa a interlingua? O esque illas simplemente non ama
computatores?

> ----------
>
> 2. Esque interlingua ha un literatura que non es concernite con scientia,
> lingua, o linguisticas? Esque il ha un literatura original? Traducite?
> Biographias? Belles-lettres? Romances? Contos? Novellas?
*Science-fiction?
> Mysterios? Guidas de viages? Libros de cocina? Que non es disponibile in
> anglese?

Si, il ha un litteratura belletristic in interlingua. Illo non es
grandissime, ma sempre crescente. Tu pote trovar traductiones de titulos ab
Hamlet a Pinocchio a Sherlock Holmes a...
Le litteratura original in interlingua naturalmente es minor, ma le
diligente Toma Macovei ab Romania ha scribite plure obras con anecdotas de
personas cognite etc. Multo docte e multo amusante. Si tu vole un roman
original in interlingua, io pote recommendar "Le casa de sonios" per le
pseudonymo A. Petit.
E ubi pote tu trovar iste joieles? Le adresse es:

        Servicio de Libros UMI
        Zonnegloren 30
        NL-7361 TL Beekbergen
        Nederland

Tu pote requirer lor "Bibliographia de Interlingua". (Abonatos de "Panorama
in Interlingua" lo recipe automaticamente e gratis - un altere bon idea!)

> Si il ha tal libros, esque illos es disponibile in le SUA? De ubi?

Non sape. Sperabilemente alicuno in le SUA sape?


Amicalmente
Ove

[log in to unmask]