RE
da[1997 Apr 05 Sat, 16:01:05 -0500 (EST)]
fr[STAN MULAIK <[log in to unmask]>]
su[FINLANDIA ES LE PLUS GRANDE RETEROMAN (reteroMANIAC)!]
----------------------- Stan Mulaik -----------------------
Allan, vostre informationes super le numero de computatores per 1000 in
le varie paises esseva interessante. Io nota que Britannia es solmente
11. Isto possibilemente reflecte le facto que brittanicos generalmente
non sape como a operar le claviero de un machina a scriber. Io ha legite
notitias a soc.culture.britain per americanos qui dice que illes pote
trovar presto empleo como operatores de machinas a scriber in Brittania,
proque le habilitate de isto non es commun. In le Statos Unite multe
individuos apprende le habilitate de operar un machina a scriber in le
scholas. Quando io esseva un puero, mi parentes me inviava a un
Collegia Commercial in le hora de estate pro apprender como a operar un
machina a scriber, ben que mi patre me ha monstrate como operar le
claviero in maniera proprie quando io esseva solmente 8. Mais io vadeva
cata duo dies del septimana a iste Collegia Commercial e practicava le
operation del machina a scriber. Quando io esseva 15 io poteva scriber a
80 parolas per minuta.
---------------------- Allan Kiviaho ----------------------
Car Stan,
Mi patre era un veterinario, le prime doctor in veterinari in Finlandia
(Ille studiava in Dresden, Germania, 1900--4
e defendeva su these doctoral in Giessen 1904). Finlandia era alora un
parte de Russia. Ille habeva 61 annos quando le guerra hibernal con
Russia eruptava se in 1939. Mi patre era jam pensionate ma ille debeniva
laborar durante le tote tres guerras (1939--45) proque le omne
veterinarios plus juvene iva al fronte. Mi patre habeva un machina a
scriber
multo vetule. Illo era american, ma io non memora le marca
de illo. Illo habeva distincte claves pro litteras majuscule e parve.
Quando io habeva 6 annos (1942), le conto a designos (seriebild, fumetto
in italian, comics) le "Mickey Mouse" de Walt Disney era reimplaciate
con un version finlandese, ubi Mickey e lor amico La*ngben (a* = le o
svedese, un a con annello) habeva devenite soldatos finlandese. Illes
habeva un aeroplano multo corpulente, armate con un cannon enorme.
Mickey e La*ngben faceva attaccos contra le truppas sovietic e expelleva
per lor manos bombes super le inimicos disgustose. Io furiosemente
voleva apprender, que Mickey e Långben parlava, quando illes puniva le
russos. Ma mi patre refusava se de traducer un texto militar a me. Con
effortios grande mi apprendeva leger in un periodo multo breve. Io
comenciava immediatemente scriber con machina con le consequentia que mi
scriber manual es mal disveloppate.
-------------------------- Stan --------------------------
Con respecto a mi duo filios, quando illes esseva pueros io faceva que
illes entrar se a in le classes in operar le machina a scriber. Plus
tarde, como un puero de 13 o 14, mi prime filio, Stephano, deveniva
extrememente rapide in usar le claviero per jocar un joco a computator
"on-line" con altere jocatores. Le objecto del joco es que vos es le
pilota de un astronave armate, e vos conduce vostre astronave per le
cosmos in cerca de altere astronaves pro destruer los. Istos esseva
altere jocatores. Tote commandas al computator esseva per via del
claviero, e le rapiditate de responder esseva essential a superar le
opponente ante que ille vos "occide". Mi filio esseva multo rapide!
Mi filio secunde non es le experto de computatores como su
fratre, mais ille ha un Macintosh e es multo capace in usar lo in su
occupation. Ille anque sape como a usar le claviero.
------------------------- Allan --------------------------
Nostre filio anque jocava multo con un computator (Un
Commodore C64) quando ille habeva 14--17 annos. Ma plus tarde io
deveniva un alpinista, surfator a vento (wind-surfer) e navigator a vela
ardente. Ille studia technica de processos chimic e non es interessate
de computatores plus que es absolutemente necesse.
-------------------------- Stan --------------------------
Proque ille gentes in Finlandia ha tanto multo de
computatores?
------------------------- Allan --------------------------
Il certemente ha plure causas. Un de illos es le facto, que
Finlandia (Nokia Corporation) comenciava de manufacturar
microcomputatores finlandese ("Mikro-Mikko") ante ca. 14 annos. Nokia ha
vendite le production de computatores al ICL, ma computatores son
totevia producite in Finlandia. In plus, ACER, le grande fabricante de
computatores taiwanese ha comenciate lor production in Finlandia, ma non
pro mercatos finlandese sed pro les de Russia. E Finlandia ha sempre
essite un pais con technica multo disveloppate. In 1885 Gottfrid
Stro"mberg (o" = o umlaut) comenciava de fabricar motores e
transformatores electric. Hodie Oy Stro"mberg Ab es un parte del potente
ABB (Asea Brown Boveri), un corporation gigantic svedese-suisse, que ha
essite nominate per jornales de commercio como le plus potente
corporation in le mundo. In plure campos technical Finlandia es le
nation dominante in le mundo, ben que illo ha solmente 5 milliones
habitantes.
Cordialmente (e vantantemente)
Allan
Allan Kiviaho
Finlandia
[log in to unmask]
|
