On Fri, 22 Dec 2006 00:19:33 +0100, Daniele Nicolucci (Jollino)
<[log in to unmask]> wrote:
>Amicos! Io ha trovate un systema bellissime pro semplificar le chat!
>Illo se appella Gabbly e permitte haber un chat in qualqunque pagina
>web. Pro exemplo, si on va a iste adresse:
>http://gabbly.com/www.interlingua.com
>on potera chattar con altere persona qui es in le sito in ille momento.
Isto es un bonissime cosa pro chattar directemente e immediatemente per
altere visitatores de www.interlingua.com! Isto es importantissime pro (in)
contactar nove interessatos immediatemente, etc., Ma isto non exclude, que
anque tales, qui ja es interlinguistas habe proprie canal e proprie
occasiones pro tener le contacto amical inter se. Le vetule chats de
interlingua (con datos fixe) poterea remaner (forsan a un altere servitor,
non plus a Discussioni) e iste Gabbly deberea ser includite intra le sito
Interlingua.com! Tu anque scribe:
>Gabbly da anque le possibilitate de includer le chat directemente in
>un pagina, assi que si on face un pagina specific pro le chat, per
>exemplo http://www.interlingua.com/chat/, tote le visitatores habera
>le chat
Esque anque si le canal es incorporate in le pagina Interlingua.com tote le
visitatores de Interlingua.com esserea addite al chat automaticamente? Isto
serea grande!
Io visitava le canal offerite per Gabbly per le methodo
http://gabbly.com/www.interlingua.com e io scribeva illac:
"Si, de accordo. Isto es bon, que Gabbly adde automaticamente le visitatores
del sito al camera de chat. Ma al mesme tempore io debe constatar, que per
le momento io es le sol persona, qui visita le sito www.interlingua.com ....
Ma il es anque bon, que io pote vider le messages precendente de personas
non plus presente in le camera de chat." (Vos pote controlar isto, si vos
clicca http://gabbly.com/www.interlingua.com)
Si le alteres (o le majoritate) es de accordo, io va scriber personalmente a
Thomas Breinstrup e Alberto Mardegan, le araneas de Interlingua.com pro
crear http://www.interlingua.com/chat/ per iste maniera Gabbly e poner un
ligamine directe a illo del pagina initial de www.interlingua.com.
Ma pro ser clar: considera anque mi message precedente:
>>...le idea de Martijn: UMI deberea registrar
e posseder un proprie canal permanente in (le servitor IRC nominate)
Freenode. Il es importante, que al servitor que nos selige sia facile
construer un maniera de accesso per web (un version "webchat"), si illo non
ancora existe. (Theoreticamente il es possibile construer un accesso per
navigator - webchat - a Freenode.) Alora gentes non tal habile in cosas
computatorial (p. ex. in usar un cliente de IRC) totevia poterea adjunger se
facilemente al chat de interlingua. Al mesme tempore pro le avantiatos in
informatica le stabilitate del canal serea certificate per un stabile
servitor de IRC (Freenode) e per un bon cliente de IRC (seligite per illes).
Io adde: forsan le version webchat deberea ser construite assi, que le fundo
del fenestra pro chattar pote ser cambiabile (io suppone, le fundo blanc es
fatigante pro le oculos durante horas; illo deberea ser nigre, o in alicun
color obscur). E iste canal webchat de interlingua poterea ser includite in
le sito www.interlingua.com, pro trovar e usar lo facilemente. E alora in le
dies e horas predestinate (actualmente mercuridis e sabbatos ab 19h UTC =
20h CET) personas non experte in usar IRC poterea adjunger se a nos. Il es
importante haber fixe tempores pro le chat, nos es tanto pauc, que nos debe
determinar fixe tempores pro ser secur, que nos nos incontrara certemente.<<
Io volerea (proque illo me pare rational), si le chat traditional remane
functionar como antea in tempores fixe (actualmente mercuridis e sabbatos
post 20h CET = 19 h UTC) a un servitor fixe (forsan Freenode in le
futuro...?) per un canal fixe (registrate officialmente per UMI in le
futuro, como Martijn suggere). Iste duo cameras e manieras de chat non se
exclude! Illos haberea differente functiones: le webchat per Gabbly sin
datos fixe primarimente pro contactar interessatos nove de interlingua,
visitatores de www.interlingua.com, e le chat per IRC con datos fixe pro
tener le contacto con "vetule" amicos interlinguista, pro discuter le cosas
de interlingua e altere themas in interlingua (naturalmente anque illac nove
interessatos era, es e sera sempre benvenite!)
Péter Kovács
--
Archivos e disabonar: http://listserv.icors.org/archives/INTERLNG.html
|
