Salutes a totes in INTERLNG!

Io es de retorno a mi viage per Europa. Multo infelicemente, io non poteva
descender in Strasbourg. Le excursion passava per le citate in le secunde
die de Conferentia, ma le guida non me permitteva lassar le excursion.
Leges, ille diceva. Io non voleva crear problemas pro ille, e io non
argueva multo. Alora multo tristemente io prendeva ab intra le autobus un
photo de un signal de transito indicante le centro del citate...

Le excursion ha essite aggradabile. Nos arrivava a Lisboa per avion, era
receptionate in le aeroporto e era ducite al hotel. Depost, le excursion
passava per Madrid, Zaragoza, Barcelona, Nice, Pisa, Roma, Florentia,
Padova, Venetia, Milano, Luzern, Zurich, Bruxelles, London e Paris. Toto
per autobus.

Io appreciava toto, e prendeva multe photos (15 rolos de film!) Io pensa a
preparar un pagina in Interlingua con mi impressiones del viage. Expecta!

E io es anxiose pro saper le novas, specialmente re le Conferentia. Qual ha
essite le effecto del presentationes? Esque le altere participantes restava
impressionate (specialmente le representantes local)? Como ha essite le
presentationes de nostre amicos romanianos? Que decisiones ha essite
prendite re Internet per le Consilios General e Executive de UMI? Io pensa
que sera tamben interessante crear un pagina re le resultatos del
Conferentia.

Novas, seniores! Io vole le novas!

--
ENSJO: Emerson José Silveira da Costa
http://www.nautilus.com.br/~ensjo/

INTERLINGUA: Lingua auxiliar International
http://www.nautilus.com.br/~ensjo/interingua/ligamines.html
Grammatica in anglese:
http://www.nautilus.com.br/~ensjo/interlingua/english.html