From: "Daniele Nicolucci (Jollino)" <[log in to unmask]>
> Ah, un belle guerra. :)
> Io recorda un burla que nos (io, Ensjo e Mardy) faceva in #interlingua.
> Io demandava a Ensjo que face le UMI con le moneta del socios, e Mardy
> diceva "bombas pro attaccos contra le esperantistas", hehehe.
> Pro le noves: illo era solo un burla, eh :)

Malgrado le jocositate de tal
burlas, io non vide grande
problemas inter le esperantistas
e le amatores del belle lingua
international. Pro me le situation
es multo facile, linguas son linguas,
illos solmente exprime le sentimentos
de illes qui lo parla, e pro mi parte
io non ha necu sentimentos inimical
contra Esperanto o mesmo contra
necun esperantista. Como diceva
le dictator del China, Mao, que on
lassa omne le parve flores crescer,
e como diceva Voltaire, cata uno
besonia cultivar su proprie jardin.
Le plus linguas international le plus
pontes international que son disponibile.
Que forsan un die il habera un ponte,
un lingua, preferite, ille die jam es hic
e le lingua non es le Esperanto, illo
es le anglese. Pro me le anglese non
es un Goliath e Interlingua non es su
David. Ambe pote conviver, nos non
necessita facer le guerra contra le
anglese o mesmo le Esperanto. Nos
solo necessita inseniar altere personas
como belle iste lingua international es
que nos usa, e quanto belle iste 'ponte'
es pro le inter-communication!

Ma le burla esseva humorose e
io me gaudia que nos pote jocar
de iste forma... ;-) Un del placeres
mie es leger le opiniones de vos,
omne amicos, gratias a interlingua.

Con salutes amical,
Jay B.