Horacio wrote:

>     Io vole pensar que no!! Ma il es preoccupante que alcun
> "gente de studio" -que supponitemente ha autoritate
> intellectual-, utilisa isto como un dato veridic pro
> includer lo in un enciclopedia. Que Deo nos salve de illes!!
>
In Svedia le television e le radio ha habite un
grande effecto in le standardisar le svedese per
tote le pais. Ben que tu pote multo ben audir
differentias in le pronunciation inter humanos de
varie regiones de Svedia iste differentias in
nostre annos es plus del typo de phonetica,
accento e non de vocabulario. Ancora in mi
infantia il habeva grandissime differentias, ma
ego ha potite observar durante mi vita - ego ha
nunc 63 annos - le grande nivellation que ha
occurrite.

Ego habeva le privilegio de ecrescer in un
ambiente ubi omne le dialectes svedese era parlate
e ego trova nunc que iste experientia es plus
individual que ego generalmente ha imaginate, o
forsan illo es on specifico pro mi generation, que
era plus mobile que le presente, lo que pote esser
vidite como un paradoxo e ego cognosce un massa de
exceptiones a ille "regula".

In facto le medios e scholas ha significate que on
ha unificate le lingua significantemente. Del
altere latere il es le experientia general que un
nation multo tosto rende visibile su character in
le lingua. Un excellente exemplo es le svedese
parlate in Finlandia. Ancora le medietate tarde
del seculo dece-none on considerava le svedese in
Finlandia un parte del svedese ci, ma nunc le
svedese finlandese es vidite como un variante
autonome, viste que le finno ha un tal tremende
influentia - al minus - al lingua parlate.

Cellus