Car amicos,

Le commission del stipendios del UMI pote financiar le participation
gratuite al Conferentia in Strasbourg pro 7 personas (de Russia, Ukraina,
Bulgaria, Romania). Il habera 2 personas qui va reciper reimbursamento
de un parte de lor expensas.

Le septe personas de Europa oriental ha anque grande problemas pro
pagar lor viage a Strasbourg. A 2 inter illes nos ha offerite anque un
stipendio pro le viage.

Omne iste adjutas es possibile, proque diverse personas ha offerite lor
contributiones generose al fundo del stipendios.

Ma il resta ancora un problema. Le tres romanianos va pagar ipse lor
costos de viage. E il ha duo inter illes qui habera un participation gratuite.
Regrettabilemente il non es ancora possibile offerer le participation
gratuite al tertie.

Pro realisar anque pro iste tertie persona le participation in Strasbourg,
io pete le membros de iste lista INTERLNG de adjutar le. Como un de
vos jam ha facite, on pote inviar dollars, marcos, libras, etc. in un
inveloppe a mi adresse:

       P.Cleij, Steenen Camer 4, 3721 NC Bilthoven, Nederland.

Un altere maniera es inviar me un cheque postal international
(mandato postal international).

Salutes amical de Piet Cleij