"Harleigh Kyson Jr." wrote:

> (...)
> Un bon exemplo es Microsoft.  Bill Gates dava quasi le
> mesme quantitate de moneta al Democratas e al
> Republicanos durante nostre ultime election
> presidential.  Assi, ille ha potite comprar le
> servicios de nostre Departamento de Justitia.

Il es un problema del democratia que le varie partitos
pote esser temptate instituer "reformas" que es
profitabile a certe gruppos del population. Nos ride a
vices condescendemente quando nos audi que un politico in
un pais del tertie mundo promitte al habitantes de un
"citate de casastras" que ille va introducer aqua
currente, si on elige ille, ma in realitate isto es lo
que nostre politicos anque face, ma in un maniera plus
subtile; nos vole supportar le familias con infantes, le
personas qui cerca un habitation (un loco ubi vivir) etc.

E in un senso isto debe esser legitime, ma obi fini le
pensata politic in general e ubi comencia le supporto a
un gama de interesses particular, lo que es detrimental
al politica, secundo me.

> (...)
> Le Statos Unite, vermente, es de facto un oligarchia
> governate per un coalition de interesses ric cuje
> membros sempre cambia.  In anglese:  (The United
> States is a de facto oligarchy governed by a shifting
> coalition of economic interests ruling to promote
> their own narrow interests through bribery and
> extortion.)

Isto forsan es un risco de cata democratia.

Il ha in le democratia politic como in organisationes,
como illes que labora pro un lingua artificial, melior
ambiente etc. un risco que un parve gruppo duce tote le
action, e le resta del membros es contente, toto va ben.
E si longe que toto functiona, multes es non-interessate
in co-governar.

On nota in Svedia pro exemplo, que le numero de
participantes in le electiones satis stabilmente decresce
de election a election.

> A causa del doctrinas superstitiose del judaismo, del
> christianitate, e del islam, le vita del homosexuales
> sempre ha essite durissime trans le historia de
> Europa.
>
> Vermente, in le libro Levitico del Biblia il ha un
> passage que dice que on debe occider omne nos proque
> nos es un abomination in le oculos de Deo.  Tal
> exhortationes ultragiose da al Biblia le equivalentia
> moral del litteratura Nazi contra le Judeos mesmes.
>
> Io crede que si le Union Europee lassa que le
> musulmanes de Turchia deveni cives del Union, le
> traditiones human de su societate civil--specialmente
> le traditiones del pais scandinave--se trovara in un
> grande periculo.

Le musulmanes _in_ Turchia (es le forma correcte, ego
errava antea) forsan non es le problema, le musulmanes
qui veni al altere paises e se senti jectate extra le
societate es le problema.

E in facto il non solo es verso le musulmanes que on debe
esser caute, isto tange anque le christianos del mesme
parte del mundo qui ha un patriarchal vision anque al
femina e le incontro con le cultura nordic onduce a un
collision cultural, ubi le femina qui se comporta toto
naturalmente secundo illa es judicata como un putana del
immigrante... Svedia le pais del promiscuose nativos!

Ego non sape si ego ha scribite de isto, ma un amico mie
qui es pentecostal pensa que le homosexualitate es un
morbo que on pote curar. Contra le prostitution, como
ille es pro rationes religiose, e ben que ille esserea
abhorrite per le motto ascribite al jesuitas que le fines
justifica le medios, ille nonobstante poteva imaginar que
on darea un prostituta a un viro homosexual pro curar le!
Ecce que le religion pote facer con certe de nos. Ma del
altere latere ille es un multo bon mi amico....

> Le musulmanes luctara fortemente contra le derectos
> del feminas in Europa e contra le mores sexual libere
> in su societate civil.  E naturalmente illes anque
> luctara pro le derecto de occider le homosexuales de
> Europa como illes face in Iran, pro exemplo.

Del altere latere on pote jam vider signos que le islam,
como omne religiones, debe adoptar se al societate
secular. Il ha anque homosexuales musulman, e pro illes
il es multo difficile, quia illes debe mentir a tote le
mundo. E il es le vetere historia; durante que le
prestres certo in alcun casos utilisa prostitutos
homosexual, illes in le predicationes es pur como nove
cadite nive, le hypocritos!

> In le Statos Unite, multe Christianos, ben que illes
> non lo dice apertemente, anque nos occiderea si illes
> habeva le potentia politic.

Del altere latere il certo ha tal christianos qui lo non
facerea, qui lassarea le misericordia triumphar super le
morte littera de un Documento Religiose.

Kjell R