MARIO MALAGUTI wrote:

> Stan,
> Perque tu ha usate iste comparation?
> Gratias Stan e ciao,
>
> Mario

Stan certo ha le pictura que le turcos proba venir al Union Europee in omne
possibile maniera, que ille joca le mesme rolo in le affluente paises europee
como le mexicanos in le Statos Unite.

Il sembla que le aborigines europee face nascer troppo poco de infantes et pro
isto on debe attraher plus de gente trans le frontieras del Union Europee.

On accusa le Union pro crear un "Fortalessa Europa", et un exemplo de iste
negative politica de immigration nos videva le estate passate quando on
trovava un cinquantena de immigratos chinese morte in un "camion a remolco".
Al mesme momento nos sape que in omne le paises europee il ha obreros qui
labora "a nigre", illegalmente.

Personalmente ego non pote liberar me del suspecto que isto in principio es a
mano del establimento. On desira un fortia laboral que es pagate basse
salariOs, ma on non vole dicer isto in publico, proque in un tal caso omne le
verbalia de equalitate se monstrarea false.

Al altere latere, multe personas qui parla del libere immigration al Union non
pensa del facto que on in un tal caso deberea construer muros circum le domos
e edificios a appartamentos e villas. E un persona qui es multo povre non
sempre ha le economia de "non" furar un cosa que ille vide.

In nostre radio national ego audiva de un grande immigration de feminas russe
de Murmansk a Norvegia nord. Multe de ille feminas va in maritage con viros
norvegian, sed in alcun casos le maritages fini in un cathastrophe in isto que
il se monstra que le viros bibe troppo de alcohol e post un extendite uso de
isto il occurre abusamento del femina, que le viro la batte e postea dice que
"si tu va al policia, on te va ejectar del pais".

Tal cosas occurre anque in Svedia.

Le medios ci parla de un gruppo de romos (angl. Roma) qui se ha specialisate
in furtos contra vetere personas. Illes veni al persona, dicente que illes
veni de un autoritate, o que illes besonia aqua o usar le telephono, e durante
que un persona parla con le vetuste persona, alteres fura le objectos de oro e
altere valores que le vetuste possede.

Le medios era multo hesitante dicer qual groppo ha committite iste crimines,
ma al fin on lo publicava. On habeva supponite que altere romos poterea esser
equalisate al furtos.

Pro un equilibrio ego pote adder que in le area habitative ubi ego vive il ha
alcun familias rom, et ego non ha audite o vidite o personalmente ipse
incontrate alcun incommoditate de illes.

On debe adjunger que in multe casos mi impressiones de varie gentes discurre
significantemente del imagine del medios.

Personalmente ego ha solo un criterio de personas aliene: Si le persona es
favorabile verso me o me non disturba, il non me importa qual etnicitate ille
ha in su passaporto.

Immigrationalmente