70 annos
GRANDE BRITANNIA. Un pionero in le historia del linguas
international, Brian C. Sexton, ha 70 annos le 27 de julio -
durante le con ferentia de interlingua in Strasbourg. Brian
C. Sexton es secretario del British Interlingua Society e
redactor del magazin Lingua e Vita. Ille nasceva in 1927 in
Birmingham, Grande Britannia, ma pro escappar le periculos
del guerra ille in 1940 esseva evacuate con su matre e duo
sorores a Barmouth in Galles. Su prime incontro con le idea
de un lingua international esseva in 1943 ab le libro
"Interglossa" per Lancelot Hogben. Post le guerra Brian C.
Sexton (C. pro Carver) retornava a Birmingham pro studiar al
universitate, ab le qual ille ganiava un licentiato in
historia. In Birmingham ille anque incontrava professor
Hogben e professor Ross, pofessor de linguistica, qui le
informava del existentia de interlingua e le dava documentos
super illo. In 1951 Sexton anque comprava le libro de Henry
Jacobs, "A planned auxiliary language" que presentava e
commentava varie linguas, i.a. interlingua. A prime
instantia, le latino sine flexione del mathematico italian
Giuseppe Peano le placeva le plus, usque ille disco periva
que illo habeva perite in 1939. Esperanto esseva dismodate,
Occidental poc euphonic, dunque Brian C. Sexton seligeva ido
e deveniva finalmente le redactor de su magazin
international "Progreso", ben que ille esseva ancora
attrahite per le idea de un lingua plus natural. In 1959
ille deveniva adherente de interlingua e in 1960 secretario
del British Interlingua Society e redactor del magazin
"Littera Circular", que ha hodie devenite Lingua e Vita. In
1964 Brian C. Sexton habeva le grande placer de incontrar
dr. Alexander Gode, quando iste visitava London. Le prime
conferentia international del Union Mundial pro Interlingua
al qual Sexton assisteva esseva in Basel in 1971, ma desde
alora ille ha essite un participante fidel in omne
conferentias. De facto, Sexton es le "culpabile" que le
conferentias esseva revivificate. Su arrangiamento del 6-te
conferentia (o "Sexton conferentia", como il lo esseva
appellate) in 1983 in Sheffield, ubi ille habita, deveniva
le initio del nove era de conferentias biennal. De
profession Brian C. Sexton es bibliothecario e in plus
membro al plus alte nivello del "Library Association". Ille
esseva pensionate in 1988 ma ha desde alora scribite plure
libros e participate in le redaction del importante
dictionarios anglese de interlingua. Lexicographia es un
facultate cognite de Brian C. Sexton; ja in su periodo con
ido ille elaborava dictionarios e ha assi un ex perientia
que interlingua ha utilisate. Su altere interesses es
computatores, photographia e transportation public urban.
Ille assi es membro del Association del Transportation per
Ferrovias Legier e sape multissimo de iste thema. Nostre
optime felicitationes! Th.
70 annos
NEDERLAND. Le energic tresorera del Societate
Interlingua-Nederland desde 1994, Fran ske Jorrisma-Persijn,
habera 70 annos le 24 de augusto. Illa nasceva in Utrecht
como le plus juvene de cinque pueras. Su patre esseva un
successose functionario postal, qui esseva inviate a
officios in tote le pais. Franske visitava scholas in
differente citates e esseva un discipulo con forte interesse
pro linguas e litteratura, specialmente poesia. Post finir
le schola, illa laborava in le bibliotheca public in Utrecht
in 1945, ma quando su patre in 1947 deveniva director del
officio postal in Sneek, Franske Persijn anque cambia va al
bibliotheca ci. In le estate calide de 1947 illa incontrava
su sposo futur, Jan, qui studiava chimia al Universitate
Technic de Delft, ma durante le estate ille habitava con su
parentes in Sneek. A causa del temperaturas altissime, ille
non poteva studiar in casa e rememorava le camera de studios
al bibliotheca. La ille videva un puera bellette in un roba
jalne e con un nigre banda villute in le capillos - le
initio de quasi 50 annos de relationes e, como un miraculo,
non le fin del stu dios universitate. Franske e Jan se
maritava in 1951 un mense post que Jan comenciava laborar in
un firma chimic in Rotterdam. Le prime filia nasceva un
mense ante le inundation terribile in le sudwest de
Nederland in 1953. Ancora duo filias nasceva, e octo annos
post le ultime puera veniva - al surprisa del copula - un
filio. Franske Persijn remaneva in casa, durante que le
infantes esseva parve. Illa sequeva cursos del lingua
frisian e deveniva un actor-amateur. Illa anque studiava
recitation. Quando le pueras iva a schola, le familia
habitava in Apeldoorn, e Franske Persijn comenciava recitar
libros pro registration sur bandas pro personas qui non pote
leger libros. Un "cliente" esseva su patre, qui habeva poco
a poco perdite su poter visual. In 1965 Jan Persijn
acceptava un empleo in un compania de papiro. Ille gereva un
parve gruppo de specialistas, deveniva chef del division
technic e, in fin, chef del laboratorio de recercas e
developpamento. Al etate de 54 annos, ille perdeva su empleo
in 1980, e le firma esseva bancarupte. Ille comenciava su
proprie firma, un parve compania que durava 12 annos, e que
exportava a multe altere paises. Franske esseva importante;
illa esseva responsabile del administration total e
emballava omne le merces. In 1992 illes vendeva le firma e
se retirava; le firma simplemente cresceva troppo
rapidemente. Mesmo si le tempore es libere, illo es troppo
breve pro omne le cosas que illes vole facer. Franske
Persijn es active in affaires ecclesiastic, puzzles e es un
specialista de cryptogrammas. Illa anque lege multo. Su
interesse pro interlingua esseva evocate per Frits Goudkuil,
gerente del Servicio de Libros UMI. In 1989 illa attendeva
le conferentia in Zwolle. Le hobby de Jan Persijn es le
harmonica chromatic in combination con computator e
claviatura electronic. Le copula ha numerose vices
intertenite al conferentias de interlingua - con musica e
con recitationes. Nostre optime felicitationes! Th.
65 annos
HUNGARIA. "In casa nos mangia duo vices per die: in le
matino e in le vespere. In iste conferentia nos mangia
solmente un vice per die: ab le matino usque al vespere." Le
parolas de Ferenc Jeszenszky, representante de interlingua
pro Hungaria, ha devenite immortal e es repetite a cata
assemblea international de interlin guistas. Ora ille habera
65 annos le 22 de augusto. Ferenc Jeszenszky nasceva in
Budapest in 1932. Post haber finite le schola secundari ille
studeva le physica al Universitate de Budapest. Ille
laborava in varie institutos e faceva su doctorato in 1961.
Al fin, ab 1971, ille esseva emplea te al Secretariato del
Academia Hungare del Scientias, ab le qual ille se retirava
le 1 de januario 1996. In 1971 ille se maritava con
Erzsebet. Ja ab su juventute Ferenc Jeszenszky habeva
interesse del linguas planate, ma le linguas que ille
incontrava non ganiava su placer, usque ille, al fin in
1980, face va le cognoscentia de interlingua. Desde iste
tempore ille ha essite su partisano enthusiastic. Erzsebet e
Ferenc Jeszenszky ha essite active participantes de quasi
omne conferentias de interlingua desde 1985. In 1981 ille
deveniva le representante in Hungaria e ha essite membro del
Consilio General del Union Mundial pro Interlingua desde
1982. In 1987 ille functionava como interimari redactor del
magazin Currero, usque illo fusionava con Heraldo de
Interlingua e deveniva ab januario 1988 Panorama. Ab 1989
ille substitueva Frank Esterhill como secretario general del
Union Mundial pro Interlingua, plenante le posto usque 1991.
Linguas e linguistica es themas super le quales Ferenc
Jeszenszky es un experto. Ille sovente se misce in debattos
linguistic e es sovente consultate per collegas qui besonia
consilios de isto o illo. Ille ha anque livrate multe
articulos pro le magazines de interlingua super linguas e
linguistica. E in 1987 appareva su version hungare del
famose manual "Interlingua" per fil. mag. Ingvar Sten
ström, Svedia. Nostre optime felicitationes! Th.
In memoriam. DANMARK. Signe Andersen, sposate con le
exadministrator del UMI Bent Andersen, moriva le 3 de julio,
70 annos, post un longe maladia. Illa esseva pro le daneses
le "matre de interlingua", sempre practic, sempre con ambe
pedes sur le terra, sempre in bon humor e sempre con le
facultate extraordinari de solver un qual cunque problema.
Signe Andersen participava in plure conferentias e incontros
scandinave, ubi omnes appreciava grandemente su presentia
amabile, charmante e practic. Que vive su memoria! Th.
Paolo Castellina
CH-7604 Borgonovo (Switzerland)
Tel. (++41,81)8221145
[log in to unmask]
http://www.geocities.com/~pcastellina
|
