Jacques Dehée wrote:

> ?
>  Interlingua es prodigiosemente developpate
>  in su obras scripte e in INTERLNG e altere sitios.
>
>  Ma, il ha un problema francese que io non comprende.
>  Potet e Morigny son glacie e functiona pauc.
>  Reciper comenciantes e crear ligames inter
>  le interlinguistas francese non sembla interessar illes.
>
>  Le agglomeration parisian haBE 10 milliones
>  de habitantes, plus que la population del Svedia
>  integre, e post tres menses de mi practica
>  ben visible in INTERLNG,io cognosce necun
>  interlinguista inter iste 10 milliones de habitantes.
>
>  Io non pote vader al Svedia e mi abbonamento internet
>  non include telephonar a Svedia.
>
>  Altere problema : esperantistas e idistas,
>  consciente de lor superioritate numeric
>  e de lor organisation, vole installar se
>  in INTERLNG e postea como le cucu facer
>  cader le interlinguistas ex le nido.

Viste que multe de nos - ma non del toto omnes - ha un
origine in esperanto - o como on va explicar isto, nos es
vaccinate!

Ego ipse usa a vices esperanto in le esperantic listas,
quando isto me place, tanto que ego a vices lege libros in
polonese, o anglese o svedese. A vices ego lege un jornal in
francese (pro non oblidar lo totalmente). Forsan nos debe
disdemonisar le facto que on pote saper plure linguas
international al mesme momento que on prefere un.
Personalmente ego prefere interlingua, nam illo me provide de
un cognoscentia del vocabulario international, organisate in
un tal maniera que illo me adjuta in comprender un massa de
docte anglese, francese, espaniol e italiano.

Ego habeva le avantage haber un amico con le qual ego poteva
practicar interlingua oralmente. Ma le prime vice que ego
vermente parlava interlingua era durante un conferentia.

Tamen, lo optime que tu pote facer es parlar a te ipse, si tu
non trova alcuno con qui parlar.

Kjell R