Christina Odenberg (krist_i_na Udenbery - le _y_ como in Yugoslavia) se
faceva le prime femina episcopo del eclesia statal svedese. Illa era eligite
episcopo in le diocesia de Lund. Su elction de illa non passava sin
protestos. Le Synode - que aggruppa pastores contrari al acceptation de
pastores o episcopos feminas - annunciava que illes non vole recognoscer le
pastores feminas e non desira concelebrar servicios divin con illas.

Le eclesia statal svedese es luteran. Infantes que se nasce de parentes, qui
ambes es luteranos es automaticamente considerate membros del eclesia, mesmo
si illes non es baptisate. Infantes catolic o appartenante a altere
religiones non es adjungite al eclesia automaticamente.

Post le reformation que veniva a svedia in le 16-e centennario, le sol
religion pro svedeses era le fide luteran. Diplomatas habeva le derecto
retener lor religiones! Al fin del 18-e centennario il occurreva que feminas
svedese maritava viros estranier. Lo que tunc eveniva era, que pastores
veniva a illas pro reconvincer las a retornar al fide juste! Secundo le lege
de 1734 un svedese que lassava le christianismo reformate era ecludite del
societate e perdeva su derecto de hereditage. Le exclusion del societate
significava in multe casos exilo.

Secundo un directivo (ordinantia?) de 1860 cives svedese habeva le derecto
lassar le ecclesia pro adherer se a un altere congregation cristian, sed non
solo lassar le ecclesia.

Solo in 1951 cata cive habeva le derecto exir le ecclesia sin specification
de un altere religion al qual on volerea transir.

Il ha habite un debatto durante multe annos in re le divocio del ecclesia
del stato. Le stato prendera cura de edificios ecclesiastic. In re altere
singularitates de iste divorcio ego non ha informationes.

Sperante que isto pote interessar alcun de vos.

Amicalmente
Kjell Rehnstroem
Vaenortsgatan 87
S - 75264 Uppsala
email: [log in to unmask]