Le Natal in Svedia es un historia multo eclectic. Illo ha su radices in le yul del gotos ("gothos" pro nostre confratres plus traditional). Io suppone que le ancian yul o jul, júl, joulu como nos dice in le linguas nordic pote haber qualcosa in commun con le festa del Sol Invictus in le vetere Roma. 
Toto comenciava in le ecclesias con le festa del Advento, a saper de Jesu Cristo e in le vita extra le eclesia con le macellar de un porco. Isto on faceva ante le plen lumine del die, como io isto memora. 
On utilisava le carne pro varie salsitias, lardo, jambon, pan sanguinate - on lo face per sanguine porchin e farina e aqua - in principio - a ronde panes con un furamine in le centro assi que on pote lo pender sur un barra horizontal pro sicar.

Le advento dura 4 septimanas e le quarte dominica del advento es le dominica ante le vigilia natal, le 24 de decembro. Isto es le die in le qual le Sancte Nicolas veni al familia con le donos. In un vetere tradition le Sancte Nicolas o Patre Natal, que traducite ex le svedese se appella le Gnomo Natal, un varietate del Gnomo domestic, que es un altere historia non esseva un gnomo sed un caproo natal, le Julbock. 
In mi studios de finnese io ha notate que on frequentemente parla del _joulupukki_ in Finlandia o Julbocken in le secunde lingua official ibi...

Traditionalmente, quando le Patre Natal, Le Sancte Nicolas o Le Gnomo Natal (infante amate ha multe nomines, nos dice in svedese) veni al infantes ille non dice Hohoho como le creation Disneyan, sed ille dice "Esque il ha infantes gentile hic?" E omne dice naturalmente que illes ha esite MUULTO gentile durante le anno passate. 
Le renes natal, sembla esser un invention del Statos Unite del A. 
Pro abbreviar un historia que semble devenir totevia plus longe e sin fin: Le vigilia le 24 de decembre iste Patre natal veni al infantes e da le donos natal. Le die 25 es un die totelamente quiete in Svedia. Iste die on gaudia su otio post le laborose vigilia e le servicio diviin - le sol die del anno quando OMNE ECLESIAS svedese es PLEN de gente. 
Viste que Svedia predominantemente es un pais lutheran, nos mangia tote le mangiatas del porco durante le vigilia natal. Il ha nulle "solo pesces" como in paises catolic. 
Parenteticamente: Le natal in Polonia pro exemplo es multo plus extroverte. On mangia le carp, que on compra vivente e tene al die del vigilia o un poco antea. On lo macela e face un multitude de plattos multo gustose de illo. On va - si on es catholic - in le missa del medienocte - subinde in un stato assatis inebriate - como ci in Svedia 4 horas plus tarde - on saluta omne cognoscites e postea on va a casa e mangia plus - de jambon!

Le traditiones de natal in Svedia es in multe aspectos multo plus juvene que nos pote imaginar. Un del plus juvene, dice le medios, es que omne debe reguardar un programma de Natal televisive con omne le anseres e canes Disneyan. Isto es un tradition svedese :-O

Post le die de natal, le 25, il ha ancora un die libere in Svedia. (Libere = sin travalio). 
In le vigilia le familias disjungite se prova unir in un maniera o un altere. On face isto naturalmente pro le infantes. Isto generalmente functiona. 
Vos nunc sape que expectar.

Kjell un non troppo entusiastic natalero.