Salute!
Signund, tu debe recordar te del _rebellos_ in le sexantas, o? Il era un
occation que semblava esser un pensata quando nostre radio national
presentava un serie de emissiones in re Le Rebellos, un secta maoista
simultanemente con le revelation del suicidio collective del membros del
secta Supervincentes (Supervictores) Total Anonyme (Total Overcommer
Anonymous) e, a mi aviso, le plus moderne de tal sectas in svedia. 

Ego nunquam faceva cognoscentia con le rebellos sed ego videva un del su
ducentes, un persona qui parlava in un lingua enormemente obscen e forsan in
le mente del publico lassava un imagine multo negative del leve (sinistra)
del sexantas. 

Amicos me narrava de personas qui practicava gymnastica chinese, tai chi, in
un parco in Stockholm. Plus de isto ego non sapeva usque que ego legeva
Rebellerna (Le rebellos) del scriptor Thorbjörn Säfve (-bjo¨rn Sa¨fve) multe
annos retro.

Toto isto comenciava como in omne sectas. Le heroes in iste narration era
membros del leve politic in Svedia. Illes era del major parte studentes, e
viros e feminas, qui laborava in le movimento del Fronte national de
liberation in appoyo al Vietnameses in le gerra con le Statos Unite. 

On habeva le impression que il veni un nove leve sin le errores del vetere,
plus democratic e plus human. Le final de ille illusion era le si nominate
Primavera Pragense, ma retro al historia. 

In iste gruppo de juvenes on era multo interessate in lo que occurreva in
China. On era pro le revolution cultural que on reguardava con un mixtura de
fascination e timor. Le vetere partito communista se findeva in duo, del
quales le secunde medietate deveniva un Partito Marxista-Leninista que
findeva in un branca (r) ( pro revolutionari). 

Le gruppo comenciava quasi coager in le revolution cultural in China. 
In vice del naves cosmic e extraterrestriales del Total Overcommers
Anonymous le axiomas del rebellos era le massas de agricolas chinese, le
grande presidente Mao e su pensamento e le lucta contra le burgesia. 

Il sembla rational supponer que le majoritate del membros del rebellos
veniva de familias burgese, del classe medie - si vos prefere isto. Multes
habeva fundate familias con infantes. 

Le altere membros del secta era dividite in celas, que habeva su base in
varie appartamentos in Stockholm e Uppsala. Le intention del systema era
assi, que nulle cellanos debe saper del existentia del alteres. 

Le prime fase era que on se barrava del societate circum se. Postea on
debeva "liberar se de omne tractos burgese". 

On arrangiava incontros pro autocritica in le qual le membros del secta
debeva criticar omne errores que illes allegatemente ipse habeva committite.

Un femina narrava que illa era multo independente e defendeva su opiniones
fortemente. Pro isto on prendeva su infantes al cela de infantes, proque
illa "habeva un mal influentia" al infantes. Postea on era del opinion que
illa ha le oculo mal e pro isto on la claudeva in un camera special. De ille
camera illa tentava fugir per le fenestra. Le appartamento era situate sur
le quarte etage. 

Illa faceva duo probas fugir. Le secunde fuga era successose. Con su
infantes illa retornava a un fratre afin qui la adjutava.

Il sembla que le final era un processo public - a la processos moscovite in
le trentas. On introduceva le prisioneros in le stilo chinese que nos ha
vidite in le television. Iste processo deveniva le fin del movimento. Multes
pensava que isto era un follia e solo un multo parve gruppo restava.

Un testimonio de que le rebellos era multo inspirate per Le Grande Timonero
sia iste facto que secundo le modello del presidente Mao on natava in
formation in un banio in Stockholm. 

Alcun annos retro ego habeva legite Die Revolution entl¨asst ihre Kinder per
Wolfgang Leonhard, qui narra de simile experientias del Union Sovietic
staliniste. Ego pensava tunc, que isto es impossibile que un tal cosa pote
occurrer in un societate democratic, sed ego habeva torto. 

Substitua le massas paisan chinese per rochettas e naves spacial o
extraterrestriales o le malicia del diabolo e su adherentes e tote le altere
partes del mosaico es le mesme. 

Forsan lo tragico es que nos homines non sempre es capabile recognoscer le
sectarianismo disastrose quando illo veni. Nos crede que nos apprende del
historia e le nove forma ha un facie un poco alterate e nos falla lo
recognoscer.

Amicalmente
Kjell Rehnstroem    
Vaenortsgatan 87      
S - 75264 Uppsala
email: [log in to unmask]