Steinar, benvenite in le "banda"!
Tu scribe que es le prime vice que tu expedi un littera al lista. Il es un
bon initio. On ha correctemente dicite que il es permittite errar in iste
gruppo. On apprende per le errores que on face.

On dice que ci in uppsala, a 60 grados N,  Hale-Bopp es visibile al
nord-west post le poner del sol e in nord-est ante le levar del sol.
Logicamente il debe esser plus difficile vider le cometa al latidudes alte,
viste que il se face plus lumine luminose, le plus al norte on se move in
iste tempore del anno.

Alcun vicinos ha vidite le cometa, sed ancora io non ha succedite vider lo.

Ante alcun annos io probava vider un eclipse solar a Joensuu in Finlandia.
Illo occurreva alcun minutas ante le 5 del matino. Sed quando era eclipse
total il comenciava pluvar e io videva solo nubiles. Le quasi plen lumine
del die se cambiava a illo que on vide a medianocte a nostre latitude.

Esque vos sape que il ha homines qui viagia a omne locos ubi il ha un
eclipse solar! Io incontrava un australiano qui habeva visitate plure
eclipses ante iste in Joensuu. Me pare que le sequente visibile in Europa
essera a Paris. Esque alcun de vos sape de isto? Esque illo essera total?

A proposito isto que le ancian grecos poteva comprender que le terra es
globular, ego audiva un vice un lectura al radio ubi un professor de
historia tecnologic narrava que le grecos ancian habeva le nivello
tecnologic sufficiente pro facer le revolution industrial jam a su tempore,
sed isto non era attractive a illes, viste que on habeva sclavos. Toto
marchava ben sin machinas!

Isto es un pensata multo fascinante.

Amicalmente







Kjell Rehnstroem
Vaenortsgatan 87
S - 75264 Uppsala
email: [log in to unmask]