Il me pare que il ha un differente senso in que "avant-garde"
es international in comparation a vanguarda.

vanguarda e retroguarda es conceptos militar.  Le vanguarda es le
corpore de truppos qui va in avantia de un primari corpore de
truppos pro proteger le primari corpore de un ambuscada.

Le retroguarda es le corpore de truppos al posterior del
primari corpore pro proteger le primari corpore de un
attacco al posterior.

Angl:  vanguard
Esp.   vanguardia
Ital:  avanguardia
fr.:   avant-garde
ger.:  vorhut
Port:  vanguarda

Il pare que "vanguard" es plus international, con avanguardia
de italiano unic in provider le a-.  Istos es parolas jam
assimilate in le varie linguas.

Del altere latere il ha un expression

"avant-garde" del francese que refere a un gruppo de intellectuales
que es al avantia o le fronte de un nove schola de pensamento o
de arte.

Iste expression pare minus assimilate del francese como

Angl:  avant-garde
fr.:   avant-garde
ger.:  Avantgarde
Ital.: avanguardia
Sp.:   vanguardia
Ptg:   vanguarda
Ned.:  avant-garde
Sved:  avantgarde
Rus:   avangard

Obviemente "avant-garde" es un metaphora del original concepto
militar.  Le avantia de nove ideas require le combatto con le
vetere ideas pro reimplaciar les con le nove.  Assi isto es
concipite con le metaphora que le avantia de nove ideas es como
le guerra, e illes qui es le prime a luctar pro le nove ideas
es le "avant-garde".

Le signification de "avant-garde" essente principalmente
intellectual e un metaphora face isto un concepto distincte con
un forma distincte in le majoritate del linguas.

avant-garde non pare in le IED ni in le lista supplementari de
Cleij, mais io opina que illo es clarmente international.

Totevia "avant-garde" non debe esser usate pro le corpore de
truppos al fronte de un columna de truppos, que es le
"vanguarda".

Stan