Mario ha scripte:
>un pagina jam publicate poterea illo sempre esser
>modificate per altere contributores?

Si.

>Io lege que si io non vole modificationes io non
>debe contribuer a Wikipedia. Comprende io ben?

Ben... Imagina que uno face un articulo super Esperanto, e dice que le
consonantes con circumflexo de Esperanto (c^, g^, etc.) deberea esser
eliminate. Es sempre possibile que un esperantista "radical" remove iste
critica. Un altere esperantista  plus "diplomatic" poterea cambiar le
pagina pro dicer que tal litteras special es motivo de debattos, e criar
un altere articulo que expone le argumentos pro e contra illos.

Si uno non vole modificationes, ille debe publicar cosas in un sito
personal, non in Wikipedia. :-)

>Pro examinar iste aspectos io face un exemplo:
>in le version in interlingua io intende tractar
>un thema de geographia, per exemplo Treviso.
>(...) Ha io altere possiblitate pro introducer
>mi texto diverse ab illo de modificar le initial
>pagina de geographia?

Si, tu debe cambiar le pagina de Geographia.

Tu pote simplemente adder alicubi le ligamine [[Treviso]], salvar le
pagina, e alora tu pote cliccar super le ligamine e editar un articulo
super Treviso.

Non te preoccupa si tu non trova le parolas pro introducer iste ligamine.
Altere personas potera facer lo. Simplemente adde le ligamine!

>Io o successivemente alteres debera classificar
>plus in detalio le grande voce geographia, nonne?

De facto, mi suggestion es que tu comencia un structura pro le futur
contribuentes.

In "Geographia", crea "Europa"; in illo, "Italia"; in illo "Treviso
(region)"; e in illo "Treviso (citate)". :-)

Vide le thema "Religion".

>Un talebano qualcunque potera vanificar mi interlingua
>e effractionar mi presentation de Treviso. Qui sape?

Wikipedia conserva versiones anterior de un articulo. Si alcuno vandaliza
un articulo, es possibile recuperar un de su versiones anterior. :-)

(Vide le ligamine "View other versions" in omne pagina.)

A revider,
Ensjo.