Ciao Roberto,
noste amico Stan me ha accurtate le respiration, io non finiva plus de
leger:

On Thursday, July 13, 2000 1:39 AM, STAN MULAIK wrote:

>     In mi labor professional io es un statistico psychologic.  Io
> ha inseniate cursos in le statistica multivariate, modellos de
> equationes structural, le statistica introductori, e le theorias de
> personalitate.  Io es le autor de un libro super le analyse factorial,
> e un coauthor de un altere libro super le analyse de causas con
> modellos de equationes structural.  Io ha multe interesses philosophic,
> e io ha publicate articulos in Philosophia de Scientia super le
> historia del statistica explorative como un extension del ideas
> fundamental del empiricismo brittanic, super un maniera de extender le
> concepto del relation causal como un relation functional al caso de
> causalitate probabilistic, e un artiiculo super le origine de
> objectivitate como un idea metaphoric in le schemas de perception de
> objectos.
>     Que es vostre interesse in le operationes recerca?
>     Stanley Mulaik
>

Roberto, non habera tu iste inlinationes (actidudes) in operationes de
recerca?
Io ama spaghetti e pizza, bon vinos, le gratia feminin e le pictura.
Io es un homine pigre irrecuperabile, qui vive in un paradiso in terra. Io
ha un balancio de mi prime sexanta annos que es un burla. Io time de non
esser capace de cambiar (apte a cambiar) in le proxime sexanta annos.
Nonobstante toto io vole resister. Esque il sera pro haber le tempore de
comprender "le historia del statistica explorative como un extension del
ideas fundamental del empiricismo brittanic"? O britannic?
Si isto dependera de me: no! Io pensa que io optara pro explorar melio le
beltate del domina.
Io pensa que iste prospectiva serea un bon selection, un bon recerca.

Ciao a totos,

Mario

Le tempore es quasi autumnal con nive in le montanias del Veneto.
Solmente per alcun dies!!!