>Le complicatissime Mario!

Infatti, caro Mario! ¦-D

Ensjo.

----------

Le passate postmeridie Beatrice se complaceva in facer se admirar a facer su
prime passos, completemente autonome.
A sex dies de su prime anno.
Ora illa ha ganiate completemente su casa reptante (sur le proprie manos e
genus), alcun ver passos, un cadita, novemente reptante.
Mesmo le montar e descender le scala non es plus un obstaculo.
Su parolas es limitate a tata (su fratre) e mama (poc utilisate) e totevia
illa comprende alcun breve frases e exeque illo que le frase significa.
Al nomine de un persona, illa le cerca. Al nominar Mario illa me guarda e
surride si anque io la guarda.
Obviemente illa pretende de responder al telephono. Illa cerca un telephono
derivate e tenta de usar lo, si un familiar es al telephono.
Io es occupate in iste observationes, in longe promenadas, in le
voluntariato e in tentar de occupar me de politica, pro un diverse
administration de mi citate.
Assi Wikipedia debera attender. Probabilemente non assi tanto debera
attender Interlingua a Treviso, si io continua a contatar sempre nove
personas e participar activemente in associationes local. Qui sape?

Mario