Desde le previe jovedi io ha essite in Chicago con mi sposa, visitante le
varie museos con collectiones de artifactos egyptian.  Nos volava alla
post mi lectura a mi classe jovedi e vadeva per autobus del aereoporto
a Chicago a nostre hotel, Le Palmer House, que esseva in le districto
commercial e financiari de Chicago.  Chicago es situate presso Laco
Michigan.  Le citate mesme es separate del laco per un banda de terra
que le citate ha designate pro recreation del citatanos del citate. Alla
illes ha constructe un parco con gazones e tracias pro pomenadar, e alcun
stratas per le parco.  Nostre hotel esseva solmente alcun pauc stratas
del bordo de iste parco, que es limitate per un longe strata, Michigan
Avenue.  On pote mirar le longitude de iste strata e vider lo que pare
esser un muro solide de minor skyscrapers tanto lontano como on pote vider.
Trans iste strata al bordo del parco es un grande museo, Le Art Institute
of Chicago (Instituto de Arte de Chicago).

Venerdi nostre prime destination esseva Le Art Institue of Chicago, que
nos attingeva per promendar del hotel.  Lo que nos voleva vider esseva
un exhibition, titulate "Armana", le citate del pharon de Egypto Ankhnaten,
que ille ha constructe a esser su capital.  Ankhnaten es famose pro esser
un monotheista.  Ille superava le culta del multe deos del egyptianos e
los reimplaciava con le adoration de Aten, le Deo del Sol.  Su sposa es
equalmente famose pro su belle facie.  Insimul illes regeva Egypto, e
introduceva non solmente cambios in le religion, mais in le arte.  Usque
lor regno, le arte ha essite regular, controlate per forte conventiones,
e usate primarimente pro representar themas religiose.  Mais Ankhnaten
habeva incoragiate su artistas a usar le arte pro representar cosas
plus informalmente.  Ille incoragiava le representation de ille e su
sposa e filias in activitates domestic.  Il ha sculpturas de ille
e su sposa in embracias tenere.  Un belle rubie pecie carnelian esseva
sculpte de illes basiante le un le altere.  Ankhnaten mesme habeva un apparentia
alquanto effeminate, e su artistas monstrava le con un grande stomacho.
Il non es cognoscite lo que occurreva que duceva a su disapparentia.
On crede que su sposa Nefertiti essayava a regnar postea isto, mais alora
illa habeva disapparite sin tracia.  Le pharon que sequeva Ankhnaten esseva
su filio affin, Tutankhamen, que restorava le vetere religion del multe
deos, dante le poter de novo al prestres de iste culto.

Proque nos ha vadeva a Chicago a vide iste exhibitiones?  Mi sposa es un
docente al museo de Michael C. Carlos a Emory Universitate.  Illa e
quatro altere docentes del museo ha arrangiate a visitar non solmente
le Instituto de Arte de Chicago, mais le Instituto Oriental al
Universitate de Chicago, e le Field Museo de Natural Historia.  Io
va scriber plus super le visitos a iste altere sitos in un subsequente
message.

Stan Mulaik