[log in to unmask]
http://www.cheshire.net/~jjbowks/
%%%%%%%%%%%%%%%%%%%%%%%%%%%%%%%%%

Hic un bon description de lo que es le lingua belle international.

||||||||||||||||||||||||||||||||||||||||||||||||||||

QUE ES INTERLINGUA?

In 1951 le International Auxiliary
Language Association (IALA), un gruppo
de linguistas europee e american, post
longe analyse del projectos de lingua
auxiliar international, concludeva que
le vocabulario latin es le hereditage
commun a tote le linguas occidental e,
insimul con le terminologia scientific
de origine grec, es le vehiculo general
de communication del technologic
civilisation mundial moderne.

Al servicio de iste ricchissime vocabulario
esseva ponite un grammatica sobrie,
reflectite in le evolution del linguage
human, que ha sempre tendentias verso le
simplification.

Assi appareva INTERLINGUA presentate
initialmente in duo obras basic:
"Interlingua-English Dictionary",
con 27 mille parolas international e
"Interlingua Grammmar".

INTERLINGUA es integremente natural e
ha sonos e scriptura agradabile.
Cata parola es adoptate desde que illos
sia commun a al minus tres del
sequente linguas de controlo: anglese,
francese, espaniol, italiano,
portugese, germano e russo.

Le grammatica de INTERLINGUA es simple.
Le formulation del grammatica es
determinate grandemente per le vocabulario
e le structura morphologic in
le linguas de base. Como principio
fundamental se poneva que le grammatica
de INTERLINGUA debe esser le systema
le plus simple que es possibile pro
possibilisar le uso del vocabulario in
un coherente lingua. Isto significa
le exclusion de varie peculiaritates
e formas specific del linguas
constituente, ergo nulle generes
masculin, feminin o neutre, nulle
declinationes e nulle conjugationes
irregular de verbos.

Le humanitate cammina verso un mundo sin
frontieras. Ecce le Nationes Unite,
le Union Europee, le Nafta, le Mercosud,
etc. Le communication inter le
nationes, tamen, es problematic con le
existentia de 2800 linguas e 8000
dialectos. Urge le adoption natural de
interlingua como un sorta de lingua-
ponte in le relationes international.

Le 900 milliones qui parla portugese,
espaniol, italiano, francese, catalano,
romaniano, etc., e le anglophonos
comprende un texto technic in INTERLINGUA
sin ulle studio previe. Illo es anque
recognoscibile pro le parlantes de
linguas germanic e slave. Pro le populos
de Africa e Asia, INTERLINGUA
es de facto lor denominator commun,
le clave que aperi le portas del linguas
occidental e alora del scientia e del
technologia.

Le divulgation de INTERLINGUA in le
campo international es coordinate per le
UMI (Union Mundial pro Interlingua),
cuje Secretariato se situa in Nederland.

---
Isto appareva in "Lingua e Vita"
io crede que esseva scripte per B. C. Sexton