Salivanto ha scribite:

"Il pare, que Harleigh sapeva que ille usa
"eventualmente" con le signification non-standard.
Ille scribeva in le medio de su curso (curso,
non malediction), que il ha bastante errors en
su curso.  On debe scribe tal cosas in la
commencia, nonne?"

---

IO NUNQUAM HA DICITE QUE MI TEXTOS ES PERFECTE O
CANONIC!  Illos es ressources bibliographic que omnes
pote rediger secundo lor preferentias personal.

Extra errores typographic obvie, il es multo difficile
determinar exactemente lo que es erronee in un texto o
lo que non lo es.  Tal determinationes sovente es
arbitrari.

Si io non habeva studiate le linguistica, io
considerarea como erronee multe expressiones que io ha
trovate in altere textos in interlingua--mesmo textos
scribite per Thomas Breinstrup e Piet Cleij.  Ma
mantener que iste expressiones es erronee esserea
solmente un reflexion de mi prejudicios personal.

Le veritate sur omne lingua vivente es que omne su
usatores internalisa un grammatica e un vocabulario al
minus un pauco differente del grammaticas e
vocabularios de altere usatores del lingua.

Il es in le uso constante de un lingua que un
communitate de usatores adjusta lor proprie
comprension de un lingua durante que illes essaya
comprender le communicationes de alteres.

Ma il nunquam ha un stabilitate complete in lo que
Saussure nominava "langue"--i.e., le forma
generalisate de un lingua revelate per le diverse
manifestationes de illo per omne su usatores.

A causa de iste stabilitate imperfecte, nove dialectos
sempre nasce.  Iste es un realitate fundamental que
governa le uso de omne linguas (mesmo linguas
planificate), e il es impossibile negar lo.

Personas como Malherbe in Francia essayava regular le
francese secundo lor proprie prejudicios.  Ma ille non
cognosceva le ver dynamica general que governa le uso
de linguas, e ille habeva nulle effecto sur le
evolution del francese trans le decadas post su morte.

__________________________________
Do you Yahoo!?
Protect your identity with Yahoo! Mail AddressGuard
http://antispam.yahoo.com/whatsnewfree