Jonathan Julius Dobkin wrote:

> In le annos 1986-87 io recipeva chirurgia in le canales del radices de plure
> dentes, e io (como Stan) non habeva un experientia de pena. Io non sape
> perque iste forma de chirurgia dental ha le reputation general de esser molto
> penose, e io vole reassecurar alicuno qui habera iste chirurgia: vos non debe
> esser timorose!

Sub le condition que vos es aptemente anesteciate toto es in ordine. Lo
interessante del narration de Stan era que le division del dentistas functiona
in varie manieras. Ci in Svedia il ha le dentista qui da terapia a dentes
cariate, le hygienista dental purifica vostre dentes e le technico dental face
le necesse protheses. In casos complicate il ha etiam chirurgos dental.

Le dentista etiam ha un "infermiera", un assistente, generalmente un femina, qui
face le labor analoge a un infirmiera de operation apud un medico in un
hospital.

Si le expertos ancora abona a iste lista nos pote haber plus exacte
descriptiones del partition inter le varie professones del technicos dental, le
dentista (le medico dental) con le soror dentistal, et le hygienista dental.

In Svedia le dentistas private generalmente etiam ha su proprie apparatura
radiologic, durante que in altere paises le dentista private remitte le patiente
qui besonia un examination radiologic a un dentista radiologic.

Amicalmente