Vos nunc pote audir musica classic 24/7 (24 horas per
die, septe dies per septimana) trans le Rete.

Vade a <http://www.kusc.org> si vos trova interessante
iste possibilitate.  Vos pote discargar gratis le
logiciel necesse pro audir le transmissiones de KUSC.

KUSC es un station de radio public situate al
University of Southern California (USC) in Los
Angeles.  USC es un ex le universitates in e circum
Los Angeles ubi io ha studiate.

KUSC offere con su musica commentarios sur su
compositores, sur su loco in le historia del musica,
sur le musicos qui lo sona, e sur le fundo cultural
general de iste musica.

Como USC se trova in Los Angeles, le personal qui
parla in su transmissiones parla le anglese de iste
area, que es multo simile al anglese international.

USC anque ha un conservatorio que ha essite prominente
in e circum Los Angeles.  Forsan illo anque ha un
reputation international.  Arnold Schoenburg inseniava
illac, pro exemplo, e possibilemente anque Igor
Stravinski.

Durante le Secunde Guerra Mundial, multe compositores
e musicos german (specialmente si illes anque esseva
judeos) veniva al Statos Unite.  Multes ex illes
veniva a Los Angeles e componeva musica pro nostre
industria cinematic.  E alicunes ex illes anque
inseniava le musica a USC.

In annos recente, on ha comenciate recognoscer le
valor artistic de multe compositiones ex iste musica.
Le compositor de "Laura", pro exemplo, vive etiam nunc
e esseva interviewate recentemente in KUSC.

__________________________________
Do you Yahoo!?
The New Yahoo! Search - Faster. Easier. Bingo.
http://search.yahoo.com