In "La Tribuna di Treviso", uno del duo principal jornales que on publica in mi citate, le 28.me pagina de heri constitueva un insertion publicitari totalmente nove.

Un grande photographia representa le facie de un homine qui lo tene intra su manos.

Le texto dice: "Il es italian como te, ma ille vive in Argentina."

"SOS Argentina: ab le Veneto, un adjuta concrete."

"Ab le 2001 a hodie in Argentina on vive sempre pejo: crise economic, reduction del expensas social, devalutation monetari, disoccupation, ha comportate grave repercussiones.

Integre familias sin plus profito, completemente private de toto e al mercede del precarietate, del paupertate e del indigentia.

Le manco del alimento es sempre plus causa de mortalitate infantil.

Un situation dramatic, que inevitabilemente involve anque le communitate del italianos.

Con SOS Argentina nos vole adjutar illes a affrontar le emergentia, con le inviar directemente adjutas e generes de prime necessitate: alimentos, medicinales, e quanto altere pote sustener illes in le affrontar un momento difficile e dolorose."

"Adjuta anque tu. Con le tue offerta, mesmo parve, tu contribuera a un grande gesto de solidaritate."

Seque le logos de ben 18 Entes Regional que publica le invitation. Inter illos, illo del Confederation juvenil del Venetos in le mundo, con le sito

http://www.giovanivenetinelmondo.it

e illo del Associationes del Emigration del Veneto.

In plus le logo del UNICEF - United Nations Children's Fund con le precisation que pro le pueros argentin , pro medio del Unicef, on disveloppa programmas specific de assistentia.

Al pagina XV del chronica local del secunde quotidian local "Il Gazzettino" on lege de un connexion international per Rai International del prime del anno. Le thema era le mesme: SOS Argentina e on precisa que le medietate del population argentin es de origine italian e que un quarte de iste medietate es de matrice venete.

Iste initiativas pare devenir sempre plus actual in mi Region e io spera que isto potera servir in favor del tante italianos que debeva lassar le Patria al fin del 1800 e per le prime sexanta annos del 1900.

Il non se tractara de garantir un retorno al Patria, realisticamente quasi impossibile, e totevia il se tracta de trovar medios pro ganiar un retorno al normalitate. Un solidaritate postume per illes plus fortunate que poteva restar in nostre Pais.

Mario