Ado Hall ha scripte:
>In facto, ambe 'print to file' e 'imprimer sur/in
>un fichier' dice nihil a me.
>
>Io sape como imprimer un documento textual a papiro.
>Sed como imprimer un documento a/sur/in un fichier
>(file)?

Pro imprimer un documento, le computator invia al impressor un sequentia 
de bytes con instructiones de impression. Le instructiones obviemente es 
adequate al impressor selectionate in le momento del impression.

Imprimer in/a/... un file significa immagazinar iste sequentia de bytes in 
un file, in vice de inviar los directemente al impressor.

Isto non es un option multo usate. Un tal situation serea: Tu vole 
imprimer un documento (redigite in PageMaker, installate in un computator 
A) in un impressor (Xerox 4510, connectite a un computator B). Le 
computatores A e B non ha connexion per rete. Si tu non pote installar le 
impressor in le computator A, ni installar PageMaker in le computator B. 
Que facer?

Un alternativa es: installa le 'driver' (software) de Xerox 4510 in le 
computator A. Selectiona le impressor e le option PRINT TO FILE pro 
imprimer le documento in un file IMPRESSION.PRN, per exemplo. Assi, tote 
le commandos de impression pro generar tu documento in un Xerox 4510 es 
capturate in ille file. Copia le file a un disco. Porta le disco al 
computator B. Executa le commando "COPY IMPRESSION.PRN LPT1:" (transmitte 
un copia del file al porta del impressor) in un fenestra del MSDOS. E 
voilà.

(Io spera que iste mi explication ha essite comprehensibile!)

A revider,
Ensjo.