Bent,
  Io apprecia multo tu littera de Gode a te.  Io va includer lo in
mi collection de litteras de ille.
  In tanto que tu habita Danmark, tu debe saper que io ha inviate
copias del plen collection de litteras a me de Gode inter circa
1956 a 1963 o 1964 a Thomas Breinstrup.  Io ha inviate los a ille
in circa 1997.  Tu possibilemente pote vider los.

  Post 1966 io ha devenite plus e plus inactive con interlingua.
Io ha movite de Salt Lake Citate a Chapel Hill, Nord Carolina
in 1966 pro un bursa de studio post doctoral in le psychologia
quantitative,  e in 1967 a 1970 io esseva un professor assistante,
e in 1970 io ha movite a Atlanta como un professor associate in
psychologia al Georgia Institute de Technologia. Io esseva la fin
que mi pensionamento in 2000, e io remane un professor emeritus,
que face possibile alcun connectiones ancora con mi collegas.
Le puncto de isto es que io ha partite del affaires de
interlingua in 1966. Io ancora ha recipite periodicos de Dr.
Gode fin que 1970, quando ille ha morite. Mais le previe
activitate con mi FORO de interlingua esseva a fin. Assi io
non sapeva multo del affaires in interlingua fin que circa
1994, quando io ha vidite un message in interlingua de Kjell
Rhenstrom a sci.lang in le interrete, e io ha devenite active
de novo con interlingua.  Solmente alcun pauc septimanas post
isto Frank Pfaff ha vidite mi messages e ille ha comenciate
activitate in interlingua.  Ille tosto ha create interlng
pro nos al universitate Rutgers, io crede.  Ille ancora
recipe le Confluentes que io redige pro membros del Societate
American pro Interlingua.

Assi io non ha un bon idea de qui es le persona a qui
Dr. Gode refere quando ille dice: "Ben que io abhorre omne forma de
dogmatismo, io non poterea vider sin profunde regrettos que le
homines qui me seque in importante positiones intra le movimento
pro Interlingua tende a cambiar le ultime bases metalinguistic del
systema disveloppate sub mi direction."  Io sape que ille esseva
ennoiate con Ric Berger.  Nos ha partite como amicos, e mi activitate
in interlingua esseva a fin in circa 1966, assi io non cognosce "le
personas in importante positiones intra le movimento pro interlingua"
in 1970. Evidentemente ille esseva reassecurate quando ille
scribeva "Sed, fortunatemente, quasi omne le prominente personalitates
in le movimento pro Interlingua ha plenmente comprendite le ultime
incambiabile principios historic, philosophic, organic per medio
del quales Interlingua ha essite derivate. Isto me rende felice
e pro isto io es grate."

Stan Mulaik

--
Archivos e disabonar: http://listserv.icors.org/archives/INTERLNG.html