Steinar Midtskogen ha scripte:
>
> Salute!
>
> Iste es le prime vice io expedi un littera al lista.  Io ha studiate
> un poco de espaniol (de que io ha oblidate multo) e latino, ergo io
> facile pote comprender le lingua.  Nondum io non ben sape le
> interlingua.  Ma io es dicite que hic il es permittite errar e io
> spera que io essera corrigite.  Tote de que io ha scribite in
> interlingua ante hodie on pote poner in un pagina medie.

Ante qualcunque altere cosa, io invia calide imbracios ab Brasil a te,
Steinar! E congratulationes, perque tu prime littera es in multo bon
Interlingua.

Un cosa que io ha percipite supra: "Io es dicite que...", me rememora le
construction anglese "I am told that..."

Esserea melior dicer "Io es informate que..." o "On me dice que..."

Ma non time errar, tote nos erra, e totes hic tenta sempre adjutar le un
le altere.

> [Stan Mulaik]
>
> > Il es tanto obvie que le umbra del terra super le superfacie del luna
> > monstra un circulo. Proque ille ancian observators del celo non ha
> > concludite de isto que le terra es ronde?
>
> Ver.  In seculo VII ante Christo Pythagoras argumentava que le terra
> sia ronde a cause del umbra sur le luna es circular.  In seculo III
> a.C. Erarosthenes observava que un die in le urbe Syene le sol esseva
> in zenit e le mesme die le sol formava umbras in Alexanderia.  Ita
> ille poteva calcular le circumferentia del terra.
>
> Pythagoras usava geometria (parallax) pro calcular le distantia del
> luna.  Su solution esseva 27,3 diametros del terra.  Le soultion
> correcte es 30,16 (le distantia medie).

:^) Ah, io me rememora de iste historia. Alicun lo me ha contate. Si io
non erra, il era un cosino mie. Ille es in le Universitate pro Maestrato
in Mathematica, e me conta alcun de iste curiositates.

> Hodie iva al lecto a trenta minutas post cinque horas del matino (in
> Oslo, Norvegia).  Io poteva vider le eclipse medie del luna ultra un
> nebula rar, ma proximente il comenciava a nivar e esser luminose del
> matino.
>
> --
> Steinar

Es in Oslo que il ha un loco appellate ENSJO, nonne? Que es illo? Un
placia, un districto...?

Io usa le cognome "Ensjo" perque le filio de mi fratre non succedeva
parlar mi nomine "Emerson" quando ille era multo parve. Le sono que
exiva ab su bucca era solo alique como "Ensho". Isto me placeva, io lo
ha adoptate e adaptate :^).

Benvenite!
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740