Erik scribeva::
> Con interesse io ha legite tu lettera re Karaoke e io ha succedite discargar
> le programma e anque potite audir le musica "Que nemo dormi". Ma io non ha
> succedite registrar le sono quando io cantava al mesme tempore como io
> sonava le musica. Io ha un microphono e io pote registrar le sono quando io
> usa le programma "sound recording" de Windows.
Car Erik,
depost que io legeva tu message io studeva un solution "fonte libere" (i.e.
"open source"), pro que io supporta le software libere (del resto, io supporta
anque le Fronte de Liberation de Nanos de jardin). Ecce le resultato.
Le necessari:
- PC con schedula audio (non integrate) - Windows o Linux (in le continuation
io va explicar le solution pro Windows)
- microphono
- pro Windows: Van Basco's Karaoke Player (VBKP)
- dossier MIDI con texto (pro ex., "Que nemo dormi.mid")
PLUS
le application Audacity, descargable ex htpp://audacity.sourceforge.net e -
eventualmente - le libreria LAME pro MP3 (le ligamine es in le sito de
Audacity).
Instructiones
1. Installa Audacity.
2. Aperi le dossier MIDI con VBKP, sin lancear lo;
3. Aperi Audacity e selectiona "File - Preferences". Un fenestra con schedulas
se aperi. In le schedula "Audio I/O" - quadro "recording" - selige Canales
1 (Mono), e deselectiona le quadrato "Reproduce le altere tracias dum io
registra un nove".
In le schedula Qualitate, selige Frequentia de exemplification (i.e.
"sampling") predefinite: 44100 Hz (le Formato predefinite, 16 24 o 32 bit
depende de tu schedula audio). Clica sur OK e retorna al fenestra
principal de Audacity.
4. In le quadrato a cortina que es a dextera del cursor del volumine
microphono, selectiona "Sum"
5. Verifica in le "Master Volume" de Windows (accedibile ab da Pannello de
Controlo) que le linea del "SW Synth" es habilitate e que le volumine es
al 75%
6. Incipe a registrar con Audacity (button rubre), postea a reproducer con
VBKP
7. Quando le dossier MIDI termina, stoppa le registration (button jalne),
retorna in principio del tracia, pone le cursor approximatemente 2 sec
ante le cominciamento del unda sonor postea selige "Modifica -
Selectiona - Ab le principio usque le cursor". Le parte initial del
tracia, que es vacue, es poste in evidentia. Ora selectiona "Modifica -
Elimina".
8. Ora, pro securitate, salva le registration (ma non claude lo).
9. Claude VBKP; copia le texto a cantar in un dossier e tene lo aperite pro
leger lo.
10. Retorna in Dossier - Preferentias e selectiona le quadrato "Reproduce le
altere tracias dum io registra un nove". Clica sur OK.
11. In le fenestra principal de Audacity, in le quadrato a cortina a dextera
del cursor del volumine microphono, selectiona "Mic Volume". Verifica
in le "Master Volume" de Windows que le linea Wave es habilitate e que
le volumine es al 75%; verifica anque, in le "Recording Control" de
Windows (accedibile ab le Pannello de Controlo) que le Microfono es
habilitate e que le volumine es al 75%
12. Incipe le registration e canta.
13. Quando le registration es terminate, exporta lo como WAV o como MP3
14. Felicitationes!
robocap
|
