Io personalmente crede que le "racismo" es un phenomeno natural mais
infortunate.  Tote de nos essaya de predicer le comportamento de
alteros, e nos usa characteristicas externe a classificar los como
isto o aquello.  Quando le policia usa le profilo racial in stoppar
un homine proque illes crede que ille pote esser un criminal o un
terrorista, illes usa solmente le natural via de predicer le
comportamento.  Mais tal vias natural pote errar.  E per le ignorantia
on non va haber categorias bastantemente complexe pro facer le
distinctiones nette que on debe facer.  Quando le policia ha
arrestate le sikh proque ille habeva  un turban, pensante que ille
esseva possibilemente un terrorista musulman, isto esseva solmente
pur ignorantia.  Nos va educar nos al populos del est in iste
affaire, e io spera que le resultato va esser melior discriminationes
inter personas possibilemente terrorista e alteros innocente.  Il
ha un caso ubi le equipa de un avion ha refusate a volar usque alcun
homines pakistani esseva removate del avion, proque illes timeva les.
Le homines esseva innocente e longe habitantes del Statos Unite.
Il esserea melior si nos ha medios exacte de identificar personas
que pare al porta pro entrar un avion.  Usque al hora, errores va
esser facite.

Tosto io crede que aeroportos va posseder systemas televisori pro
identificar criminales e terroristas cognoscite, usante computatores
qui pote identificar les per lor characteristicas facial.  In
Florida il habeva un urbo cuje polica voleva installar un tal
systema pro discoperir criminales cognoscite in le concurrentia
de personas.  Il habeva multe objection proque isto es un invasion
del derectos de vita private.  Mais in aeroportos on hodie pensa
que iste derecto es superate per le derectos de societate e
passageros a proteger se contra le terroristas.

Un altere consideration es le uso de cartas de identification national.
Hodie on pote fabricar los pro continer un parve 'chip' informatic
que contine le patrono del vasos sanguine in tu oculos, que es
unic a cata individuo.

Stan