In mi presentation de textos in latino e interlingua,
vos jam ha legite historias ex le mythologia grec.
Iste mythologia contene multe narrationes de actiones
cruel per multe personages como, pro exemplo, Medea,
qui, per deception, persuadeva que le filias de Pelias
occideva lor patre.
Le judeos e le membros de su religiones prole, le
christianismo e le islam, demitta iste pantheon de
deos como un systema mythologic superstitiose.
Ma le scripturas del judeos e le christianos contene
narrationes multo simile, le quales es equalmente
mythologic e superstitiose. Il ha multe personas
tamen qui crede que le miraculos de Moises e Christo
es eventos historic e non mythologic como, pro
exemplo, le dece-duo labores de Hercules.
Comenciante con "De revolutionibus orbium celestium"
de Copernico e continuante con le travalio de Kepler,
Newton, Darwin, Einstein e altere recercatores minus
famose, nos nunc sape
(1) que le evolution del vita es un processo
completemente aleatori e non teleologic,
(2) que il ha habite diverse collisiones de
planetesimales con le terra que eradicava mesmo 80% o
90% del formas de vita sur nostre terra,
(3) que, si le asteroide que eliminava le dinosaurios
non habeva collidite con le terra, le mammales
probabilemente non haberea potite evoluer pro producer
le simianos e nostre proprie specie,
(4) e que in vice de esser le centro del creation
universal, nostre planeta e nostre systema solar es un
parte multo insignificante del immense numero de
stellas in nostre galaxia e que nostre galaxia mesme
es un parte completemente insignificante inter le
multe altere galaxias del universo (isto nos
discoperiva solmente in le prime medietate del seculo
XX).
Iste discoperimentos del scientia converte le
theologia a in un disciplina tan superstitiose como le
astrologia, le alchimia, e le phrenologia. Il es un
commentario multo triste sur nostre universitates que
multes ex illos etiam nunc ha departamentos de
theologia durante que illos nunquam permitterea le
existentia de iste altere disciplinas universalmente
recognoscite como pseudoscientific e superstitiose.
Io crede que il es importantissime recognoscer isto
proque le mythologia judeo-christian etiam nunc causa
multe miseria inter multe personas. Le guerras inter
lor varietates differente etiam nunc continua, e ante
multe tempore iste guerras, in se, completemente
nullificava lor pretensiones al moralitate.
Le exhortation de occider homosexuales in Levitico es
pro me specialmente odiose e mesmo periculose, proque
trans le historia de Europa e etiam nunc in le Statos
Unite, on lo ha usate pro justificar le persecution de
homosexuales.
Vermente, un tal exhortation pro occider un gruppo de
personas tan grande como nos face del scripturas del
hebreos le equivalente moral de simile exhortationes
per le nazis a occider le judeos mesmes e es un ver
crimine contra le humanitate per le judeos, le
christianos, e le musulmanes.
Illes non ha recognoscite isto, e io crede que pro un
periodo indefinite le judeos e le christianos
fundamentaliste, como le musulmanes in paises como
Iran, persistera in lor credentia que occider nos es
le commandamento de un deo qui pro illes existe ma qui
vermente es tan imaginari como le deos del grecos,
romanos, e germanos.
__________________________________________________
Do you Yahoo!?
Yahoo! Shopping - Send Flowers for Valentine's Day
http://shopping.yahoo.com
|
