Car amica,

Quando io comenciava facer mi pagina super Enya (isto esseva le prime
que io creava) io non sapeva como facer, nec que io mitterea in illo.
Le instructiones in iste duo sitos permitte construer paginas con un
cognoscentia absolute nulle de parolas como "navigation" o "html".
Alicun parolas pote esser util como "url" (le adresse de un photo o de
un pagina electronic).  In caso de problema in le viage virtual tra
tripod o angelfire, io (e alteres etiam) pote auxiliar te.

>Io es secur que un infante poterea constuer su proprie pagina
>electronic. Io ha un infante, e ille pote usar le computator multo ben.
>MA... le problema es que io non es plus un infante... alora io es secur
>que io troveva isto multo difficile!!!
>
>Bon, io poterea demandar a mi infante de adjutar me... ma ille trova
jam
>mi questiones tanto comic que ille va rider usque le morte. Alicun
>septimanas passate, io audiva le rider multo con su amico, e ille
>diceva: "imagina isto : mi matre non sape qual sorte de computator illa
>ha, e io debeva adjutar la a responder a un "investigation". Illa
sapeva
>nihil, vermente nihil.... nonobstante, illa ha un diploma del
>universitate!  Illis apprende nihil illac!
>
>---
>
>Del fundo de mi ignorantia, io vos saluta, vos totes,
>interlinguistas-sapiens, digne de respecto grandissime pro vostre
>cognoscentia computatoristo-interneto-macintochisto-ibmo-asci-puro...
>
Io face remarcar que si on scribe "interlingua" in le cercator
www.toile.qc.ca nihil appare, dum esperanto ha 3 sitos.  Io es certe que
Ann ha passiones lequales illa poterea compartir in su pagina, non
necessemente (sed possibilemente) pro o in interlingua.

Amicalmente vos saluta

Marteno Lavalea

______________________________________________________
Get Your Private, Free Email at http://www.hotmail.com